इंदुकोटी तेजकिरण स्तोत्र

इन्दुकोटितेज करुण-सिन्धु भक्तवत्सलं ।

नन्दनात्रिसूनु  दत्त, इंदिराक्ष श्रीगुरुम्  ॥

गंधमाल्य अक्षतादि - वृंददेववंदितं ।

वंदयामि  नारसिंह - सरस्वतीश पाहि माम्  ॥१॥

मायपाश - अंधकारछायदूरभास्करं ।

आयताक्ष  पाहि श्रियावल्लभेश – नायकम्  ॥

सेव्य – भक्तवृंद  वरद, भूयो-भूयोनमांम्यहं ।

वंदयामि  नारसिंह - सरस्वतीश पाहि माम् ॥२॥

चित्तजादिवर्गषट्क – मत्त वारणांकुशम् ।

तत्वसारशोभितात्मदत्त श्रियावल्लभम्  ॥

उत्तमावतार भूत-कर्तृ भक्तवत्सलं ।

वंदयामि  नारसिंह - सरस्वतीश पाहि माम् ॥३॥

व्योमरापवायुतेज – भूमिकर्तुमीश्वरम्  ।

कामक्रोधमोहरहित सोमसूर्य-लोचनम्  ॥

कामितार्थदातृ भक्त – कामधेनु श्रीगुरूम्  । 

वंदयामि  नारसिंह - सरस्वतीश पाहि माम् ॥४॥

पुंडरीक  – आयताक्ष, कुंडलेंदुतेजसम्  ।

चंडदुरितखंडनार्थ  दंडधारि श्रीगुरुम्  ॥

मंडलीकमैलि – मार्तंड - भासिताननं ।

वंदयामि  नारसिंह - सरस्वतीश पाहि माम् ॥५॥

वेदशास्त्रास्तुत्यपाद, आदिमूर्ति श्रीगुरुम्  ।

नादबिंदुकलातीत, कल्पपादसेव्ययम्  ॥

सेव्यभक्तवृंदवरद भूयो भूयो नमाम्यहम्  ।

वंदयामि  नारसिंह - सरस्वतीश पाहि माम् ॥६॥

अष्टयोगतत्वनिष्ठ, तुष्ट ज्ञानवारिधिम्  ।

कृष्णावेणितीरवास - पंचनदी - संगमम्  ॥

कष्टदैन्यदूरिभक्त – तुष्ट्काम्यदायकम्  ।

वंदयामि  नारसिंह - सरस्वतीश पाहि माम् ॥७॥

नारसिंहसरस्वतीश्च – नाम अष्ट्मौक्तिकम्  ।

हारकृत शारदेन गंगाधर – आत्मजम्  ॥

धारणीक – देवदीक्ष गुरूमूर्तितोषितम्  ।

परमात्मानंदश्रियापुत्र - पौत्रदायकम्  ॥८॥

नारसिंहसरस्वतीय अष्टकं च य: पठेत्  ।

घोरसंसारसिन्धु - तारणाख्यसाधनम्  ॥

सारज्ञानदीर्घ आयुरारोग्यादिसंपदम्  ।

चारूवर्गकाम्यलाभ वारंवार यज्जपेत्  ॥९॥