बिझनेस क्लासमध्ये महिला प्रवाशावर 'बलात्कार

अमेरिकेतील न्यू जर्सीहून लंडनला जाणाऱ्या फ्लाइटच्या बिझनेस क्लासमध्ये एका महिला प्रवाशावर बलात्कार झाल्याचा आरोप आहे. या प्रकरणातील आरोपीला ब्रिटनमध्ये अटक करण्यात आली होती. मात्र, नंतर त्यांना जामीन मंजूर करण्यात आला.  

द सनच्या वृत्तानुसार, घटनेच्या वेळी इतर प्रवासी झोपले होते. ही घटना युनायटेड एअरलाइन्सच्या फ्लाइटची आहे. या घटनेनंतर पीडित महिलेने एअरलाइन्स कर्मचाऱ्यांना माहिती दिली. त्यानंतर एअरलाइन्स कर्मचाऱ्यांनी यूके पोलिसांना माहिती दिली. न्यू जर्सी ते लंडन थेट फ्लाइटसाठी सुमारे 7 तास लागतात. 

उड्डाण यूकेच्या हिथ्रो येथे उतरल्यानंतर पोलीस अधिकारी विमानात आले आणि आरोपीला अटक केली. पीडितेला रेप काउंसिलिंग सूटमध्ये नेण्यात आले. अधिकाऱ्यांनी विमानाची फॉरेन्सिक तपासणीही केली. ही घटना गेल्या आठवड्यातील सोमवारची आहे. पीडित महिला आणि आरोपी दोघांचे वय 40 वर्षे आहे.   

news.sky.com च्या रिपोर्टनुसार, आरोपी व्यक्ती ब्रिटनची रहिवासी आहे आणि पीडित महिला देखील ब्रिटनची असल्याचे सांगण्यात येत आहे. द सनच्या वृत्तानुसार, आरोपी आणि पीडित तरुणी बिझनेस क्लासच्या सीटच्या वेगवेगळ्या रांगेत होते. दोघांची आधीपासून ओळख नव्हती. मात्र घटना घडण्यापूर्वी पीडित तरुणी आणि आरोपीने लाऊंज परिसरात एकत्र मद्यपान केले आणि बोलणे केले.  

ब्रिटीश पोलिसांनी अटकेला दुजोरा दिला असून या प्रकरणाचा तपास अजूनही सुरू असल्याचे सांगितले आहे. फ्लाइटमध्ये लैंगिक अत्याचाराच्या घटना दुर्मिळ मानल्या जातात. तथापि, काही अहवालांनुसार, अलीकडच्या काळात अमेरिकेत लैंगिक हिंसाचाराच्या प्रमाणात वाढ झाली आहे.