Plane Crash: कोलंबियाच्या निवासी भागात विमान कोसळले , विमानातील आठही जणांचा मृत्यू

कोलंबियातील दुसऱ्या क्रमांकाचे मोठे शहर मेडेलिन येथे विमान दुर्घटना घडली. सोमवारी सकाळी ओलाया हेरेरा विमानतळावरून विमानाने उड्डाण केले होते. पायलटने घरावर धडकण्यापूर्वी जवळच्या एटीसीला इंजिनमध्ये बिघाड झाल्याची माहिती दिली. तो काही वेळातच कोसळला. घटनास्थळावरून काळ्या धुराचे लोट उठताना दिसत होते. मृतांमध्ये सहा प्रवासी आणि दोन क्रू मेंबर्सचा समावेश आहे

<

@DenunciasAntio2 accidente de una avioneta cerca del aeropuerto olaya Herrera pic.twitter.com/4I818vp5oJ

— Elle Lopez (@Ellesita) November 21, 2022 >

महापौर डॅनियल क्विंटो यांनी दिलेल्या माहितीनुसार, बेलेन रोसेल्स सेक्टरमध्ये हा अपघात झाला. हे दुहेरी इंजिन असलेले पाईपर विमान होते, जे मेडेलिन ते पिझारो पर्यंत उड्डाण करत होते. विमानाने धोक्याची माहिती दिली, परंतु विमानतळावर परत येऊ शकले नाही. 

विमान ज्या घरावर पडले त्या घराचे नुकसान झाले आहे. मात्र, यामध्ये कोणतीही जीवितहानी झाल्याचे वृत्त नाही. त्याच्या वरच्या मजल्यांचे नुकसान झाले आहे. घटनास्थळी विखुरलेल्या फरशा आणि तुटलेल्या विटांच्या भिंती दिसल्या. माहिती मिळताच अग्निशमन दलाच्या जवानांनी घटनास्थळी धाव घेत आग आटोक्यात आणली.

मेडेलिन शहर अँडीज पर्वतांनी वेढलेल्या अरुंद दरीत वसलेले आहे. यापूर्वी 2016 मध्ये ब्राझीलच्या चापेकोएन्स फुटबॉल संघाला घेऊन जाणारे विमान शहराजवळील पर्वतांमध्ये कोसळले होते. त्यात १६ खेळाडूंसह ७७ पैकी ७१ जणांचा मृत्यू झाला होता. 

Edited By- Priya Dixit