न्यूयॉर्क- जवळपास 15 वर्षांच्या तपासानंतर अमेरिकेने भारताला 307 पुरातन वास्तू परत केल्या ज्या देशाबाहेर चोरल्या गेल्या किंवा तस्करी केल्या गेल्या. या वस्तूंची किंमत सुमारे 4 दशलक्ष अमेरिकन डॉलर्स आहे. यातील बहुतांश वस्तू कुख्यात उद्योगपती सुभाष कपूर यांच्याकडून जप्त करण्यात आल्या आहेत.
मॅनहॅटन डिस्ट्रिक्ट अॅटर्नी अल्विन ब्रॅग यांनी सोमवारी सुमारे $4 दशलक्ष किमतीच्या 307 प्राचीन वस्तू भारतात परत करण्याची घोषणा केली. मॅनहॅटन जिल्हा अटॉर्नी कार्यालयाने कपूर यांच्यावर टाकलेल्या छाप्यात यापैकी 235 वस्तू जप्त करण्यात आल्याचे ब्रॅग यांनी सांगितले. कपूर "अफगाणिस्तान, कंबोडिया, भारत, इंडोनेशिया, म्यानमार, नेपाळ, पाकिस्तान, श्रीलंका, थायलंड आणि इतर देशांमधून मालाची तस्करी सुलभ करतं.
माहितीनुसार, न्यूयॉर्कमधील भारतीय वाणिज्य दूतावासात झालेल्या समारंभात प्राचीन वस्तू भारताकडे सुपूर्द करण्यात आल्या. भारताचे महावाणिज्य दूत रणधीर जैस्वाल आणि यूएस डिपार्टमेंट ऑफ होमलँड सिक्युरिटीचे 'इन्व्हेस्टिगेशन एक्टिंग डेप्युटी स्पेशल एजंट-इन-चार्ज' क्रिस्टोफर लाऊ या कार्यक्रमाला उपस्थित होते.
ब्रॅग म्हणाले की, या प्राचीन वस्तू तस्करांच्या टोळ्यांनी अनेक ठिकाणांहून चोरल्या होत्या. या टोळ्यांच्या म्होरक्यांनी वास्तूंच्या सांस्कृतिक आणि ऐतिहासिक महत्त्वाबद्दल आदर दाखवला नाही. यातील शेकडो वस्तू भारतातील लोकांना परत केल्याचा आम्हाला अभिमान आहे, असे ते म्हणाले.
गेल्या वर्षीही पंतप्रधान नरेंद्र मोदी यांच्या अमेरिका दौऱ्यात अमेरिकेने 157 प्राचीन वस्तू परत केल्या होत्या.