Punjab Kings: इंडियन प्रीमियर लीग (IPL) फ्रँचायझी पंजाब किंग्सने अद्याप आपल्या कर्णधाराची घोषणा केलेली नाही. आयपीएल मेगा लिलावापूर्वी संघाने 2 खेळाडूंना कायम ठेवले मात्र कर्णधारपदाची जबाबदारी दिली नाही. अशा स्थितीत पंजाब किंग्स लिलावातच आपला कर्णधार शोधणार असल्याचे समजते. पंजाब किंग्जच्या या रणनीतीवर माजी क्रिकेटर आकाश चोप्राने एक सल्ला दिला आहे. त्यांनी या फ्रँचायझीला असे न करण्यास सांगितले आहे.
पंजाब किंग्जने रिटेन केलेला खेळाडू मयंक अग्रवालला संघाचा कर्णधार बनवावा, असे आकाश चोप्राने म्हटले आहे. तो म्हणाला, 'पंजाब किंग्जला लिलावात कर्णधार विकत घेण्याची गरज नाही. त्यांनी ताबडतोब मयंक अग्रवालला संघाचा कर्णधार म्हणून नियुक्त करून त्याच्यासह संघाची निवड करावी. कर्णधाराला त्याच्या आवडीच्या नसलेल्या संघाचे नेतृत्व करणे खूप अवघड असते.
पंजाब किंग्जने मयंक अग्रवालला 12 कोटी आणि वेगवान गोलंदाज अर्शदीप सिंगला 4 कोटींना रिटेन केले आहे. तर या संघाचा माजी कर्णधार केएल राहुल लखनऊ फ्रँचायझीमध्ये सामील झाला आहे. पंजाब किंग्सच्या पर्समध्ये सध्या 72 कोटी आहेत, जे सर्व फ्रँचायझींमध्ये सर्वाधिक आहे.
आकाश चोप्रा म्हणतो, 'पंजाब सर्वाधिक पैसे घेऊन लिलावात उतरेल. त्यांच्यासाठी ही सर्वात चांगली गोष्ट असेल. आता यानंतरही तो चांगला संघ बनवू शकतो की नाही हे त्याच्यावर अवलंबून आहे.