मुंबईतील DY पाटील स्टेडियमवर खेळल्या गेलेल्या IPL 2022 च्या 12 व्या सामन्यात लखनौ सुपर जायंट्सने सनरायझर्स हैदराबादचा 12 धावांनी पराभव केला.
हैदराबादचा कर्णधार केन विल्यमसनने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना लखनौने 20 षटकांत 7 गडी गमावून 169 धावा केल्या. प्रत्युत्तरात हैदराबादचा संघ नऊ विकेट्सवर केवळ 157 धावाच करू शकला.
लखनौ सुपरजायंट्सने सनरायझर्स हैदराबादचा 12 धावांनी पराभव केला. नाणेफेक हारल्यानंतर प्रथम फलंदाजी करताना लखनौने 20 षटकांत 7 गडी गमावून 169 धावा केल्या. प्रत्युत्तरात हैदराबादचा संघ 20 षटकांत 9 गडी गमावून केवळ 157 धावा करू शकला. लखनौचा वेगवान गोलंदाज आवेश खानने 18व्या षटकात सामन्याचे चित्र फिरवले.
त्यानंतर हैदराबादला 18 चेंडूत 33 धावांची गरज होती. त्यावेळी निकोलस पूरन आणि वॉशिंग्टन सुंदर क्रीजवर होते. या षटकात आवेशने निकोलस पूरन (34) आणि अब्दुल समद (0) यांना सलग दोन चेंडूंवर पॅव्हेलियनमध्ये पाठवले. आवेशने या षटकात सात धावाही दिल्या. यानंतर हैदराबाद संघाला सावरता आले नाही आणि पराभव पत्करावा लागला.
लखनौ संघाचा हा सलग दुसरा विजय आहे. या संघाने आतापर्यंत एकूण तीन सामने खेळले आहेत. पहिल्या सामन्यात त्यांना गुजरातविरुद्ध पराभवाला सामोरे जावे लागले होते. यानंतर लखनौने पुनरागमन करत चेन्नई आणि हैदराबाद विरुद्ध विजय मिळवला. या विजयासह लखनौचा संघ गुणतालिकेत पाचव्या स्थानावर पोहोचला आहे. त्याचबरोबर हैदराबादचा सलग दुसऱ्या सामन्यातील हा दुसरा पराभव आहे. SRH चा संघ गुणतालिकेत शेवटच्या म्हणजे आठव्या क्रमांकावर आहे.