अमेठी : अमेठीमध्ये स्मृती इराणी आघाडीवर, राहुल गांधी पिछाडीवर
काँग्रेस नेते ज्योतिरादित्य शिंदे मध्य प्रदेशमधील गुणा मतदारसंघातून पिछाडीवर
कोल्हापूर मतदारसंघातून शिवसेनेचे संजय मंडलिक 14656 ने आघाडीवर
भाजपा नेते अनुराग ठाकूर हमीरपूर लोकसभा मतदारसंघातून आघाडीवर
सोलापूर लोकसभा मतदारसंघातून काँग्रेसचे सुशीलकुमार शिंदे तर माढा लोकसभा मतदारसंघातून राष्ट्रवादीचे संजय शिंदे आघाडीवर, वंचित बहुजन आघाडीने अद्याप खाते उघडले नाही.
उत्तर मुंबईमधून उर्मिला मातोंडकर पिछाडीवर
नितीन गडकरी आघाडीवर
लोकसभा निवडणुकीत यावेळी लोकसभेच्या 543 जागांमधून महाराष्ट्रात 48 जागांसाठी मतदान प्रक्रिया पूर्ण झाली. आज अनेक दिग्गज नेत्यांचे भवितव्य ठरणार आहे. महाराष्ट्रात लोकसभेसाठी चार टप्प्यात मतदान झाले. महाराष्ट्रात पहिल्या टप्प्यातलं मतदान ११ एप्रिलला, दुसऱ्या टप्प्यातलं मतदान १८ एप्रिललला, तिसऱ्या टप्प्यातलं मतदान २३ एप्रिलला आणि चौथ्या टप्प्यातलं मतदान २९ एप्रिलला संपन्न झाले होते. चार टप्प्यात झालेल्या निवडणुकीत सरासरी 60.68 टक्के मतदान झाले. 2014 साली देशात 9 तर महाराष्ट्रात 3 टप्प्यांत मतदान झालं होतं. निवडुणकांचे निकाल 23 मे रोजी जाहीर केले जाणार आहे.
विशेष म्हणजे भारतीय जनता पार्टी आणि शिवसेना यांनी महाराष्ट्रात लोकसभा आणि विधानसभा निवडणुकांसाठी युतीची घोषणा केली. लोकसभेला भाजप 25 आणि शिवसेना 23 मतदारसंघांमधून लढली. तर विधानसभेच्या निवडणुकीत दोन्ही पक्ष निम्म्या-निम्म्या जागा लढवणार आहेत अशी घोषणा करण्यात आली.
इकडे काँग्रेस आणि राष्ट्रवादीने क्रमश: 26 आणि 22 मतदारसंघांमधून आपले उमेदवार उभे केले होते.