सानंद न्यासच्या फुलोराच्या अंतर्गत 9 एप्रिल 2024 मंगळवार रोजी गुढीपाडवा उत्सवात प्रसिद्ध शास्त्रीय गायिका विदुषी डॉ. अश्विनी भिडे-देशपांडे आपल्या सहकारी कलाकारांसह रागरामायणची प्रस्तुती स्थानीय यु सी सी सभागृह देवी अहिल्या विश्व विद्यापीठ खंडवा रोड इंदूर येथे सायंकाळी 6:30 वाजता देणार आहे.
कार्यक्रमाचे उद्घाटन बँक ऑफ महाराष्ट्रचे झोनल मॅनेजर श्री एम. सत्यनारायण यांच्या हस्ते दीप प्रज्वलन करून होणार आहे. कार्यक्रम विनामूल्य आणि सर्व रसिक श्रोत्यांसाठी खुला असेल.
सानंद ट्रस्टचे अध्यक्ष श्री श्रीनिवास कुटुंबळे आणि मानद सचिव श्री जयंत भिसे म्हणाले की, सानंद गेल्या 22 वर्षांपासून भारतीय परंपरेनुसार गायन, संगीत आणि संस्कृतीची जोपासना करत आगळ्या वेगळया पद्धतीने गुढी पाडवाचा उत्सव साजरा करत आहे.
गुढी पाडवा उत्सवात आता पर्यंत अशोक हांडे मुंबई यांनी संगीतबद्ध माणिक मोती, गंगा जमुना, पं. प्रभाकर कारेकर यांचे गायन, पं. जसराज, पं. आनंद भाटे, वंदना गुप्ते आणि राणी वर्मा यांचे ‘ती’ कार्यक्रमाचे सादरीकरण, भारती अंकलीकर- टिकेकर यांचे गायन व आई कार्यक्रमाचे सादरीकरण, देवकी पंडित, पद्मजा फेणाणी जोगळेकर, आणि डॉ. शंकर अभ्यंकर यांची सात दिवसीय रामकथा,
भरत बलवल्ली, कौशिकी चक्रवतीं यांचे गायन, पंचरत्न आणि सावनी शेंडे, कवी , गीतकार वैभव जोशी यांचे 'तुझी आठवण' या कार्यक्रमाचे सादरीकरण करण्यात आले आहे.
यंदाच्या वर्षी या मालिकेत गुढी पाडवा उत्सवात मंगळवारी 9 एप्रिल 2024 रोजी प्रसिद्ध गायिका विदुषी अश्विनी भिडे- देशपांडे त्यांच्या सहकारी कलाकारांसह बंदिशांमधून 'रागरामायण' हा कार्यक्रम सादर करणार आहेत.
अश्विनी भिडे-देशपांडे यांनी वयाच्या 16 व्या वर्षी गंधर्व महाविद्यालयातून संगीत विशारद पदवी घेतली.
1977 मध्ये ऑल इंडिया रेडिओ संगीत स्पर्धेत राष्ट्रपतींकडून सुवर्णपदक मिळाले. पं. नारायणराव दातार यांच्याकडून प्राथमिक शिक्षण घेतल्यानंतर त्यांनी आई आणि गुरू श्रीमती माणिक भिडे यांच्या मार्गदर्शनाखाली संगीताच्या मूलभूत गोष्टी आत्मसात करून जयपूर अत्रौली गायनाचा सराव सुरू केला. तेव्हापासून आजतागायत आपण प्रसिद्ध जयपूर अत्रौली ख्याल गायनाचा वारसा पुढे नेत आहात. पं. रत्नाकर पै या घराण्यातील दुर्मिळ रागांचे व्याकरण, राग रचना-वास्तुकला, चैतन्य, भावना आणि सुरांची गोडी इत्यादींच्या मिश्रणाने आपल्या घराण्याचे गायन जगभर पोहोचवून त्याला एक वेगळी ओळख दिली आहे. आपण समीक्षक आणि संगीत प्रेमींकडून प्रशंसा मिळवली आहे. जाप अभिजात शास्त्रीय संगीतासह, ठुमरी-दादरा, भजन, अभंग, संस्कृत स्रोत प्रस्तुत करतात. अनेक कंपन्या जसे एच एम. व्ही., रिदम हाउस टाइम्स म्युझिक, सोनी म्युझिक, म्युझिक टुडे, नवरस रेकॉर्डस् युनिव्हर्सल म्युझिक यांनी आपल्या सोबत अल्बम रेकॉर्ड केले आहे.
2004 मध्ये आपण रचलेल्या बंदिश आधारित रागरचनांजली या पुस्तकाचे प्रकाशन झाले आहे. आपले स्वतःचे बतिया दौरावत यूट्यूब चॅनेलला रसिक श्रोत्यांचे प्रेम मिळत आहे.
आपण भारतात आणि परदेशात अनेक प्रतिष्ठित संगीत महोत्सवात सादरीकरण केले आहे. आपण आकाशवाणी आणि दूरदर्शनचे उच्चस्तरीय कलाकार आहात.
आपण अनेक शिष्यांचे मार्गदर्शन केले असून आता त्या स्वतंत्रपणे कार्यक्रम सादर करतात. आपणांस अनेक पुरस्कारांनी सन्मानित केलं आहे. या कार्यक्रमात आपला साथ देणार गायक कलाकार डॉ. रेवती कामत , शमिका भिडे, शरयू दाते तबला - प. भरत कामत, हार्मोनियम पं. सुयोग कुंडलकर, निवेदक अनघा मोडक आहे.