Webdunia - Bharat's app for daily news and videos
Install App
✕
महाराष्ट्र माझा
धर्म संग्रह
ज्योतिष
ग्रह-नक्षत्रे
वास्तुशास्त्र
फेंगशुई
राशिभविष्य
जन्मदिवस आणि ज्योतिष
श्रीराम शलाका
टॅरो भविष्य
चौघड़िया
मासिक जुळत आहे
आजचा वाढदिवस
लाईफस्टाईल
प्रणय
सखी
योग
लव्ह स्टेशन
मराठी साहित्य
मराठी कविता
आरोग्य
व्हिडिओ
डॉ.आंबेडकर
खाद्य संस्कृती
क्रिकेट
इतर खेळ
स्कोअरकार्ड
वेळापत्रक
आयसीसी रँकिंग
क्रीडा जग
वास्तुशास्त्र
फ़ोटो गैलरी
शिवजयंती
Marathi
हिन्दी
English
தமிழ்
తెలుగు
മലയാളം
ಕನ್ನಡ
ગુજરાતી
महाराष्ट्र माझा
धर्म संग्रह
ज्योतिष
लाईफस्टाईल
आरोग्य
व्हिडिओ
डॉ.आंबेडकर
खाद्य संस्कृती
क्रिकेट
वास्तुशास्त्र
फ़ोटो गैलरी
शिवजयंती
श्रीराम आरत्या मराठीत
Webdunia
दशरथे रामचंद्रा कौसल्या प्रियसुता ।
ओंवाळूं प्रेमभावें जगताचा तूं पिता ॥ धृ. ॥
भक्तांतें तोषवाया अवतरसी रघुवरा ।
प्रेमानें पूजिती जे वर देसी त्यां नरां ॥
घेतांची नाम तुझें सुख झाले शंकरा ।
संकटि तू धांव घेई विनवितो अच्युता ॥ १ ॥
दशवदना मर्दुनिया सोडविले सुरवरा ।
घेउनिया जानकिला आलासी निजपुरा ॥
तोषवुनी सर्व लोका बोळविले वानरां ।
प्रार्थितसे दत्तदास लावी या सत्पंथा ॥ २ ॥
****************************
श्रीमद्रामचंद्रा अयोध्यापुरवासी ।
जन्म दशरथकूळी चैत्र नवमीसी ॥
उत्साह सुखकर झाला मनासी ।
थोर आनंद सकळा जनांसी ॥ १ ॥
जय देव जय देव रामचंद्रा, श्रीरामचंद्रा ।
कृपानिधान विभो करुणासमुद्रा ॥ धृ. ॥
रामलक्ष्मण असतां वनवासी ।
रावण भिक्षे आला होउनि संन्यासी ।
राम मृगा वधूं गेला वनवासी ॥
मागें हरिलीं सीता दुष्टें त्वरेसी ॥ जय. ॥
रामें त्वरित मिळवुनि वानरसेनेसी ।
सागरिं सेतू रचविंला आपुल्या नामेसी ॥
तयांवरुनि सत्वर गेलां लंकेसी ।
राक्षससैन्य वधोनी आणिलि सीतेसी ॥ जय. ॥ ३ ॥
अधिकारी केला बिभिषण लंकेसी ।
सीता घेउनि आला आयोध्यापूरासी ।
थोर आनंद सकळा जनासि ।
कृष्ण गोपाळ लागे चरणांसी ॥ जय. ॥ ४ ॥
****************************
स्वात्मसुखामृत सागर जय सदगुरुराया ।
वेदांतार्णव मथितां तिलगुह्यापरमा ॥
निज निंर्गुण जगलीला जगदाकृति हेमा ।
जगदिश्वर तद्रूपा वरमंगल धामा ॥ १ ॥
जय देव जय देव जय सद्गुरुराया ।
ब्रह्म सुधाऽमर चिद्घन जय सार्वभौमा ॥ धृ. ॥
चिन्मय वस्तु तुं अगुणी सगुणाकृति धरिसी अगणित गुणगंभीर गुरु ईश्वरही होसी ।
अज्ञानांध सुशिष्या स्वप्रकाश करिसी ॥
शरणागत भवपाशापासुनि सोडविसी ॥ जय. ॥ २ ॥
स्वस्वरु पोन्मुखबुद्धी वैदेहि नेली ।
देहात्मका भिमाने दशग्रीवें हरिली ॥
सद्विवेक मारुतिनें सत्शुद्धी आणिली ।
तव चरणांबुजि येउनि वार्ता श्रुत केली ॥ जय. ॥ ३ ॥
देहादिक अहंकार रावणवध करिसी ।
केवल स्वमुखानंदी वससी अयोध्येसी ॥
सर्वांतरि व्यापुनियां सबाह्य तूं अससी ।
गुरुभक्तीहिन पुरुषा कोठे आढळसी ॥ जय. ॥ ४ ॥
देहत्रय व्यतिरिक्ता साक्षी समसंता ।
परमा नंदाऽनंता अद्वयरस भरिता ॥
करुणाऽगर भयनाशन श्रीदैशिक नाथा ।
स्वानंद्रे पद मौनी वंदित रघुनाथा ॥ जय. ॥ ५ ॥
****************************
आजि रघुपति तव चरणीं करितों ही आरती ।
ओंवाळिसें प्रेमभरें प्रभु तुज लागो रति ॥ धृ. ॥
तव नामामृत पानें करूनी जड मुड उद्धरले ।
दुष्ट निशाचर वधुनि सुरांचे रक्षण त्वां केलें ॥'
बलवंत गाई प्रीती ॥आजि. ॥ १ ॥
****************************
बंबाळ कर्पुराचे । दीप रत्नकीळांचे ॥
उजळले दिग्मंडळ । मेघ विद्यूल्लतांचे ॥
भासती तयांपरि । भालचंद्रज्योतीचे ॥
अवचिते झळकताती ।घोंस मुक्ताफळाचे ॥ १ ॥
जय देवा दीनबंधू । राम कारुण्यसिंधू ॥
आरति ओवाळीन । शिव मानसी वेधु ॥ धृ. ॥
त्राहाटिली दिव्य छत्रें । लागल्या शंखभेरी ॥
तळपताती निशाणें । तडक होतसे भारी ॥
तळपती मयूरपिच्छें । तेणें राम थरारी ॥ जय. ॥ २ ॥
मृदंगटाळघोळ । उभे हरिदासमेळ ॥
वाजती ब्रह्मवीणे । उठे नादकल्होळ ॥
साहित्य नटनाट्य । भव्यरंगरसाळ ॥
गर्जती नामघोष लहानथोर सकळ ॥ जय. ॥ ३ ॥
चंपकपुष्पजाती ॥ मेळविले असंख्यांत ॥
दुस्तर परिमळाचे ॥ तेणें लोपली दीप्ती ॥
चमकती ब्रह्मवृंदे ॥ पाउलें उमटती ॥
आनंद सर्वकाळ ॥ धन्य जन पाहाती ॥ जय. ॥ ४ ॥
ऋषिकुळी वेष्टित हो ॥ राम सूर्यवंशीचा ॥
जाहलीं अतिदाटी ॥ पुढे पवाड कैसा ॥
सर्वही एकवेळ ॥ गजर होतो वाद्यांचा ॥
शोभती सिंहासनीं ॥ स्वामीं रामदासाचा ॥ जय. ॥ ५ ॥
****************************
रत्नांची कुंडलें माला सुविराजे ॥
झळझळ गंडस्थळ घननीळ तनू साजे ॥
घंटा किंकणी अंबर अभिनव गति साजे ।
अंदु वांकी तोडर नुपुर ब्रिद गाजे ॥ १ ॥
जय देव जय देव जय रघुवर ईशा ।
आरती निर्जरवर ईशा जगदीशा ॥ धृ. ॥
राजिव लोचन मोचन सुरवर नरनारी ।
परातपर अभयंकर शंकर वरधारी ।
भूषणमंडित उभा त्रीदशकैवारी ।
दासा मंडण खंडन भवभय अपहारी ॥ जय देव. ॥ २ ॥
****************************
आरती करितों राघवचरणीं ।
राहुनि अनिदित नामस्मरणीं ॥ धृ. ॥
ब्रह्मादिक मुनि सुर गाती ज्यातें ।
कैलासाधिप करिं ध्यानांते ॥ आरती. ॥ १ ॥
रावण मारुनि सुरां सुखी केलें ।
बिभीषणासी राज्यिं स्थापिलें ॥ आरती ॥ २ ॥
शरणागत मीं तुज बलवंता ।
पाहिं कृपेने या बलवंता ॥ आरती करितो. ॥ ३ ॥
****************************
काय करुं माय आतां कवणा ओवाळूं ।
जिकडे पाहे तिकडें राजाराम कृपाळू ॥ धृ. ॥
ओवाळूं गेलिया सद्गुरुरामा ।
क्षमा रूप निजपण न दिसे आम्हां ॥ काय. ॥ १ ॥
सुर नर वान्नर राम केवळ ।
खेचर निशाचर तेही राम केवळ ॥ काय. ॥ २ ॥
त्रैलोकी रामरुप साचार एक ।
सद्गुरुकृपें केशव राज आनंददीप ॥ काय करू माय. ॥ ३ ॥
****************************
दशरथराजकुमारा धृतमुक्ताहारा । शरयूतेरविहारा शमितक्षितिभारा । करुणापारावारा कपिगणपरिवारा । निर्गतनिखिलविकारा निगमागमसारा ॥१॥
जय देव जय देव जय सीतारामा ॥ सजलबलाहकश्यामा सच्चित्सुखधामा०॥ध्रु०॥
रविकुलराजललामा रम्यगुणग्रामा । रूपविनिर्जितकामा रुद्रस्तुतनामा । परिपालितसूत्रामा पूर्णसकलकामा । विश्वविलासविरामा विठ्ठलविश्रामा ॥जय देव जय देव०॥२॥
वेबदुनिया वर वाचा
मराठी ज्योतिष
लाईफस्टाईल
बॉलीवूड
मराठी बातम्या
संबंधित माहिती
श्रीरामाच्या आरत्या
शनिवारची आरती
शुक्रवारची आरती.... जयदेव जयदेव जय विघ्नाधीशा ॥
आरती बुधवारची
रामचंद्रांच्या आरत्या
सर्व पहा
नवीन
श्री आनंदनाथ महाराज कृत श्रीगुरुस्तवन स्तोत्र
पती-पत्नीच्या वयात किती फरक असावा?
आरती मंगळवारची
श्री स्वामी समर्थ आरती Swami Samarth 3 Aartis
श्री स्वामी समर्थ काकड आरती
सर्व पहा
नक्की वाचा
हैदराबाद विरुद्ध लखनौ सामना हा आयपीएल प्लेऑफ क्वालिफायरसारखा असेल
धाराशिवमध्ये मतदान केंद्राजवळ चाकूने हल्ला करून एकाची हत्या
रुपाली चाकणकर यांच्या विरोधात पुण्यात गुन्हा दाखल
कोल्हापूर मतदान केंद्रावर वृद्धाचा हृदय विकाराच्या धक्क्याने मृत्यू
भारतीय महिलां आणि पुरुष संघ 4x400 मीटर रिले संघ पॅरिस ऑलिम्पिकसाठी पात्र ठरला
पुढील लेख
Facts of Ramayana रामायणातील काही न ऐकलेले तथ्य
Show comments