महिला प्रीमियर लीग 2024 च्या अंतिम फेरीत दिल्ली कॅपिटल्सचा सामना रॉयल चॅलेंजर्स बंगळुरूशी झाला. दिल्लीतील अरुण जेटली स्टेडियमवर हा सामना झाला. यासह महिला प्रीमियर लीगला नवा चॅम्पियन मिळाला आहे. बंगळुरूने दिल्लीचा पराभव करून दुसऱ्या सत्रात विजेतेपद पटकावले. गेल्या वर्षी मुंबई इंडियन्सने जेतेपदावर कब्जा केला होता.
रॉयल चॅलेंजर्स बंगलोर (RCB) ने रविवारी महिला प्रीमियर लीग (WPL) च्या अंतिम सामन्यात दिल्ली कॅपिटल्सचा आठ गडी राखून पराभव करून विजेतेपद पटकावले. दिल्लीने नाणेफेक जिंकून प्रथम फलंदाजी करताना 18.3 षटकात 113 धावा केल्या. आरसीबीने 19.3 षटकांत दोन गडी गमावून लक्ष्य सहज गाठले. आरसीबीचे हे पहिले विजेतेपद आहे. बंगळुरूच्या पुरुष संघाने कधीही आयपीएल ट्रॉफी जिंकली नाही, परंतु महिला संघाने डब्ल्यूपीएलच्या दुसऱ्या सत्रात विजय मिळवला. लक्ष्याचा पाठलाग करताना सोफी डिव्हाईन आणि स्मृती मंधाना यांनी आरसीबीला चांगली सुरुवात करून दिली आणि दोन्ही फलंदाजांनी पहिल्या विकेटसाठी 49 धावा जोडल्या. ही भागीदारी शिखा पांडेने 32 धावा करणाऱ्या डिव्हाईनला बाद करून तोडली. यानंतर कर्णधार मंधाना ने डावाची धुरा सांभाळली, मात्र मिन्नू मणीने तिला 31 धावांवर पॅव्हेलियनमध्ये पाठवले. त्यानंतर एलिस पेरी आणि रिचा घोष यांनी अखेरच्या षटकात संघाला विजय मिळवून दिला.