आज भारत आणि न्यूझीलंड यांच्यात तीन सामन्यांच्या T20 मालिकेतील तिसरा आणि शेवटचा सामना खेळवला जाणार आहे. भारतीय संघ सध्या मालिकेत 1-0 ने आघाडीवर असून हा सामना जिंकून ते टी-20 मालिकेवर कब्जा करण्याचा प्रयत्न करतील. असे झाल्यास टीम इंडियाचा न्यूझीलंडच्या भूमीवर सलग दुसरा टी-20 मालिका विजय ठरेल. याआधी 2020 मध्ये शेवटच्या दौऱ्यात टीम इंडियाने टी-20 मालिका 5-0 ने जिंकली होती.
न्यूझीलंडने नाणेफेक जिंकून प्रथम फलंदाजी करण्याचा निर्णय घेतला आहे. नियमित कर्णधार केन विल्यमसन हा सामना खेळत नाही. त्याच्या जागी टीम साऊदी न्यूझीलंड संघाचे नेतृत्व करत आहे. सौदीने प्लेइंग-11 मध्ये एक बदल केला. विल्यमसनच्या जागी मार्क चॅपमनचा संघात समावेश करण्यात आला. त्याचबरोबर भारतीय कर्णधार हार्दिक पंड्यानेही प्लेइंग-11 मध्ये बदल केला आहे. अष्टपैलू वॉशिंग्टन सुंदरच्या जागी हर्षल पटेलला संधी देण्यात आली आहे.