भारत आणि दक्षिण आफ्रिका यांच्यातील तीन सामन्यांच्या मालिकेतील पहिला कसोटी सामना सेंच्युरियनच्या सुपरस्पोर्ट पार्क क्रिकेट स्टेडियमवर खेळवला जात आहे. बॉक्सिंग डे कसोटीच्या पहिल्या दिवशी भारताने 3 बाद 272 धावा केल्या आहेत. दुसऱ्या दिवशी पावसाने ओढ दिल्याने खेळ सुरू झालेला नाही. केएल राहुल 122 आणि अजिंक्य रहाणे 40 धावांवर नाबाद आहे. रहाणे गेल्या काही काळापासून खराब फॉर्ममधून जात आहे आणि अशा परिस्थितीत त्याची खेळी त्याला खूप आत्मविश्वास देऊ शकते. मात्र, बॉक्सिंग डे कसोटी सामन्यांमध्ये रहाणेची कामगिरी आतापर्यंत चांगलीच राहिली आहे.भारतीय कसोटी संघाच्या माजी उपकर्णधाराने आपल्या कारकिर्दीत आतापर्यंत पाच बॉक्सिंग डे कसोटी सामने खेळले आहेत. या पाच सामन्यांमध्ये त्याच्या बॅटने धावा केल्या आहेत. रहाणेने पाच बॉक्सिंग डे कसोटींमध्ये नऊ वेळा फलंदाजी केली आहे, त्यापैकी त्याने दोन शतके आणि तब्बल अर्धशतके झळकावली आहेत. रहाणेने त्याच्या कारकिर्दीत बॉक्सिंग डे कसोटी सामन्यांमध्ये नाबाद 51, 96, 147, 48, 34, 1, 112, नाबाद 27 आणि नाबाद 40 धावा केल्या आहेत. दक्षिण आफ्रिकेविरुद्ध सुरू असलेल्या बॉक्सिंग डे कसोटीतही तो पहिल्या डावात 40 धावांवर नाबाद आहे. यादरम्यान त्याने 81 चेंडूत आठ चौकार लावले आहेत.