Commonwealth Games 2022 Ind vs ENG T20 Semi Final Cricket Match :राष्ट्रकुल क्रीडा स्पर्धेत महिला क्रिकेटच्या उपांत्य फेरीच्या सामन्यात भारत आणि इंग्लंड यांच्यात सामना सुरू आहे. टीम इंडियाने नाणेफेक जिंकून प्रथम फलंदाजी करण्याचा निर्णय घेतला. हा सामना जिंकणारा संघ अंतिम फेरीत सुवर्णपदकासाठी खेळेल. त्याचबरोबर पराभूत संघाला कांस्यपदकासाठी खेळावे लागणार आहे.
भारतीय महिला क्रिकेट संघाने उपांत्य फेरीच्या सामन्यात इंग्लंडविरुद्ध नाणेफेक जिंकली आहे. कर्णधार हरमनप्रीत कौरने प्रथम फलंदाजी करण्याचा निर्णय घेतला आहे. भारताने संघात एकही बदल केलेला नाही.
कॉमनवेल्थ गेम्सच्या उपांत्य फेरीत भारतीय महिला क्रिकेट संघाचा सामना इंग्लंडशी होत आहे. दोन्ही संघांना हा सामना जिंकून अंतिम फेरीत स्थान मिळवायचे आहे. अंतिम फेरीत पोहोचणारा संघ किमान रौप्य पदकही निश्चित करेल. त्याचवेळी पराभूत संघाला कांस्यपदकासाठी दुसऱ्या उपांत्य फेरीत पराभूत संघाचा सामना करावा लागेल.