IPL 2021: हैदराबाद संघात कोरोनाचा शिरकाव, टी नटराजन कोरोना पॉझिटिव्ह झाले

इंडियन प्रीमियर लीग (IPL) 2021 च्या दुसऱ्या टप्प्यातील चौथा सामना आज दुबई आंतरराष्ट्रीय क्रिकेट स्टेडियमवर सनरायझर्स हैदराबाद आणि दिल्ली कॅपिटल्स यांच्यात होणार आहे.सामन्यापूर्वी सनरायझर्स हैदराबादचा एक खेळाडू कोरोना पॉझिटिव्ह आढळला आहे, आयपीएलच्या अधिकृत संकेतस्थळावर याची माहिती देण्यात आली आहे. सनरायझर्स हैदराबादचा वेगवान गोलंदाज टी नटराजनचा  कोविड -19 चाचणीमध्ये पॉझिटिव्ह अहवाल आला आहे, त्याने स्वतःला उर्वरित संघापासून वेगळे केले आहे. आयपीएलने हे स्पष्ट केले आहे की इतर सर्व खेळाडूंची आरटी-पीसीआर चाचणी निगेटिव्ह आली आहे आणि अशा परिस्थितीत आजचा कार्यक्रम रद्द केला जाणार नाही. टी नटराजन आणि विजय शंकर आजच्या सामन्यात सनरायझर्स हैदराबादकडून खेळू शकणार नाहीत.

टी नटराजन यांच्यात या क्षणी कोणतीही लक्षणे आढळली  नाहीत.वैद्यकीय संघाच्या सल्ल्यानुसार, टी नटराजन यांच्या जवळच्या संपर्कात आलेले सहा खेळाडू आणि कर्मचारी सदस्यांनीही स्वतःला वेगळे केले आहे. विजय शंकर, टीम मॅनेजर विजय कुमार, फिजिओथेरपिस्ट श्याम सुंदर जे, डॉ अंजना वनान, लॉजिस्टिक मॅनेजर तुषार खेडकर आणि नेट बॉलर पेरियासामी गणेशन यांची नावे यादीत समाविष्ट आहेत.