Vasant Panchami 2024: 35 वर्षांनंतर वसंत पंचमीला हा दुर्मिळ योगायोग, जाणून घ्या शुभ मुहूर्त

Vasant Panchami 2024 सनातन धर्मात सरस्वती पूजन उत्सवाला विशेष महत्त्व आहे. धार्मिक मान्यतांनुसार वसंत पंचमीला देवी सरस्वतीची पूजा केल्याने व्यक्तीला सुख, समृद्धी, शक्ती आणि बुद्धीचे आशीर्वाद प्राप्त होतात. पण यावेळी वसंत पंचमी खूप खास आहे, हा एक दुर्मिळ योगायोग आहे, तर चला जाणून घेऊया कोणत्या दुर्मिळ योगामध्ये वसंत पंचमी येत आहे आणि या दिवशी पूजेचा शुभ मुहूर्त कोणता आहे आणि शुभ योगांचे महत्त्व काय आहे.

वैदिक पंचांगानुसार दरवर्षी माघ महिन्याच्या शुक्ल पक्षाच्या पंचमी तिथीला वसंत पंचमी साजरी केली जाते. वसंत पंचमीच्या दिवशी सरस्वती देवीची पूजा केली जाते. यंदा 14 फेब्रुवारी 2024 रोजी वसंत पंचमी सण साजरा केला जाणार आहे. विशेष म्हणजे या दिवशी रवि, शुक्ल योग, शुभ योग आणि रेवती नक्षत्राचा संयोग बनत आहे. हा दुर्लभ संयोग 35 वर्षांनंतर तयार होते आहे.

विद्वानांप्रमाणे या शुभ योगात सरस्वती पूजन दुप्पट फलदायी ठरणार आहे. माघ शुक्ल पक्षातील पंचमी तिथी 13 फेब्रुवारी रोजी दुपारी 02:41 पासून सुरू होईल. ही तारीख 14 फेब्रुवारी रोजी दुपारी 12:09 वाजता संपेल. उदय तिथीनुसार 14 फेब्रुवारीला पंचमी तिथी असेल.

सरस्वती पूजन मुहूर्त

पंचांगानुसार 14 फेब्रुवारीला सरस्वती पूजा शुभ मुहूर्त 5 तास 35 मिनिटापर्यंत आहे. पूजेची वेळ सकाळी 07.01 ते दुपारी 12.35 पर्यंत असेल. यामध्ये माता सरस्वतीची उपासना शुभ आणि उत्तम राहील.

दुर्लभ संयोग महत्व

जाणकारांच्या मते सरस्वती पूजा आणि वसंत पंचमी तिथीच्या दिवशी शुभ योग, शुक्ल योग, रवियोग आणि रेवती नक्षत्र तयार होत आहेत. हे सर्व पूजेसाठी सर्वोत्तम मानले जातात. 14 फेब्रुवारी रोजी सकाळी 07:55 पर्यंत शुभ योग राहील. यानंतर शुक्ल योग सुरू होईल.