आजच्या काळात, जास्त वेळ चालण्यामुळे किंवा जास्त वेळ उभे राहिल्याने, लोकांना त्यांच्या पायांमध्ये आणि पायाच्या स्नायूंमध्ये वेदना होऊ लागतात. पायदुखीचा त्रास रात्रीच्या वेळी होतो, त्यामुळे रात्री झोपणे कठीण होते. या समस्येचे वेळीच निदान झाले नाही तर या समस्येमुळे पुढे गंभीर समस्या उद्भवू शकतात. काही लोक वेदनाशामक औषधे घेण्यास सुरुवात करतात जी त्यांच्या आरोग्यासाठी चांगली नसते.काही घरगुती उपाय अवलंबवून पायाची वेदनापासून मुक्तता मिळेल. चला तर मग जाणून घेऊ या.
पाय दुखण्यावरकाही घरगुती उपाय-
सफरचंद व्हिनेगर-
ऍपल सायडर व्हिनेगर पाय आणि पायाच्या स्नायूंमध्ये वेदना कमी करण्यासाठी खूप फायदेशीर आहे. दोन चमचे व्हिनेगरमध्ये मध मिसळून ते रिकाम्या पोटी घ्या, असे केल्याने तुम्हाला दुखण्यात आराम मिळेल. तसेच, आपण ते थेट वेदनाग्रस्त भागावर लावू शकता. सफरचंद व्हिनेगरचे काही थेंब टाकून तुम्ही टबमध्ये पाय बुडवूनही बसू शकता.असं केल्याने पायाच्या दुखण्यापासून आराम मिळेल.
मोहरीचे तेल -
पायदुखीमध्ये तुम्ही मोहरीच्या तेलाची मालिश करू शकता, ज्यामुळे तुम्हाला खूप फायदे होतील. पायांच्या दुखण्यापासून लवकरच सुटका मिळेल. ही घरगुती रेसिपी सर्वात जास्त वापरली जाते.
गरम पाणी-
पायांचे स्नायू आणि पाय दुखण्यात गरम पाणी खूप उपयुक्त आहे. तुम्ही कोमट पाण्यात मीठ टाका आणि पाय बुडवून बसा. ही प्रक्रिया केल्याने तुम्हाला वेदनांमध्ये खूप आराम मिळेल.हे एक उत्तम नैसर्गिक उपाय आहे.
मेथीदाण्याचा वापर-
वेदना कमी करण्यासाठीही मेथी गुणकारी आहे. एक चमचा मेथीदाणे रात्रभर भिजत ठेवा आणि सकाळी खा. असे केल्याने तुम्हाला पायाचे स्नायू आणि पाय दुखण्यात खूप आराम मिळेल.
हळद
हळदीमध्ये अँटिऑक्सिडंट आणि दाहक-विरोधी गुणधर्म असतात जे तुमच्या पायाचे स्नायू आणि पाय दुखणे दूर करण्यास मदत करतात. कोमट दुधात हळद मिसळून प्यायल्यानेही दुखण्यात आराम मिळतो, यासोबतच पायांना हळदीची पेस्टही लावू शकता.