Whats app message : राहुनच गेलं

हे बघायला आले त्यावेळी

रूबाब यांचा तो बघतच बसले

आल्या प्रश्नाला धडाधड उत्तर दिली

लाजायच कस ते

राहूनच गेलं !

हनीमुनच्या पहिल्या रात्री

हे म्हणाले

तू खूप सुंदर दिसतेस

लाजलाजून इश्श म्हणायच

कस ते राहूनच गेलं !

यांना प्रमोशन मिळाल

ते घरी पेढे घेऊन आले

कस सुचल नाही कुणास ठाऊक

तेव्हा आनंदाने कडकडून 

मिठी मारायची यांना

ते राहुनच गेलं !

मुलगा मुलगी मोठी झाली

सून उच्चशिक्षीत अन सत्गुणी मिळाली

पण मुलाच्या लग्नात

वरमाईचा तोरा मिरविण्याच

ते राहुनच गेलं !

मुलीच्या मुलाने तर

फारच लळा लावला

त्यामुळे रागाने

''जावयाच पोर हरामखोर''

ते म्हणायच राहुनच गेलं !

संसाराचा गाडा हाकता हाकता

देवाकडे जरा दुर्लक्ष झाल

व्रतवैकल्य, कर्मकांड आणि

जपजाप्य इत्यादि इत्यादि....

ते करायच राहुनच गेलं !

परवा देवच माझ्या स्वप्नात आला,

म्हणाला तू कर्तव्यदक्षपणे

संसार केलास,

सगळ्यांच सगळ नीट केलस

तुझ्यात उपासनेची खोट काढून,

तुला शिक्षा देण्याच माझसुध्दा,

आपोआप राहुनच गेलं !!