suvichar

मांजराच्या गळ्यात घंटा

Webdunia
शुक्रवार, 22 ऑक्टोबर 2021 (16:57 IST)
एका गावात एक दीनू नावाचा वाणी होता. त्याचे एक किराणा मालाचे दुकान होते. त्याच्या दुकानात खूप उंदीर राहायचे. अक्षरशः त्या उंदराने फार धमाकूळ घातले  होते. ते किराणा मालाची नासधूस करायचे. दीनू त्या उंदरांना वैतागला होता. त्याने विचार केला की हे उंदीर असेच धुडगूस करीत राहिले तर माझ्यावर दुकान बंद करण्याची पाळी येईल. काही तरी या उंदरांचा बंदोबस्त करायला हवा. असा तो विचार करू लागला. त्याला एक युक्ती सुचते. तो एक मांजर घेऊन येतो.
 
ती मांजर उंदीर दिसतातच पकडून खायची. अशा प्रकारे वाणी आरामशीर राहू लागला. इथे उंदराच्या गटात तणावाचे वातावरण तयार झाले. कारण मांजरीमुळे उंदरांची संख्या कमी होत होती. त्या उंदरांच्या गटातील प्रामुख्याने एक सभा बोलविली आणि या मांजरीचे काही तरी करावे असे सुचवू लागले. पण अखेर करावे तरी काय हीच चर्चा सुरू होती. 
 
बराच काळ लोटला पण निष्कर्ष काहीच निघेना. अखेर त्या गटामधील एक उंदीर म्हणाला की माझ्या कडे या साठीची एक युक्ती आहे. काय आहे सर्व जोरात ओरडले - तो उंदीर म्हणे की आपण या मांजरीच्या गळ्यात एक घंटी बांधायची. त्याने काय होणार सगळे म्हणाले त्यामुळे ती कुठे जाईल ते कळेल आणि आपण सावध होऊ शकू. 
 
अरे वा ! छान असे म्हणून सगळे आनंद साजरा करू लागले. पण त्यामधून एक वयस्कर उंदीर अचानक म्हणाला की अरे थांबा एवढा आनंद साजरा करू नका. 

त्याने सांगितलेली युक्ती छान आहे पण ..... पण काय आजोबा एक उंदीर म्हणाला पण त्या मांजरीच्या गळ्यात घंटी बांधणार तरी कोण ? हे ऐकतातच सर्व निमूटपणे मान खाली घालून आपल्या बिळात शिरले. अजून एका युक्तीच्या शोधात.
 
बोध : वेळेला कामी येणारी युक्तीचं चांगली असते.

संबंधित माहिती

सर्व पहा

नक्की वाचा

Rangpanchami 2026 Wishes In Marathi रंगपंचमीच्या हार्दिक शुभेच्छा

इराण-इस्रायल युद्ध: भविष्य मालिका यांच्या भविष्यवाण्या खऱ्या ठरण्याची वेळ आली का?

Women's Day 2026 Speech in Marathi महिला दिन भाषण मराठी

कोपर आणि काळ्या गुडघ्यासाठी घरगुती उपाय

शरीरासाठी एकाच वेळी किती अन्न खावे? अति खाण्याचे 'हे' गंभीर दुष्परिणाम जाणून घ्या

सर्व पहा

नवीन

रात्री ओवा खाण्याचे आश्चर्यकारक फायदे जाणून घ्या

टॉक्सिक नात्याची ओळख करण्यासाठी या टिप्स अवलंबवा

Dog Food Guide कुत्र्यांचा आहार: काय द्यावे आणि काय टाळावे?

मातीशिवाय फक्त पाण्यात वाढणारी ५ इंडोर प्लांट्स; तुमच्या घराला देतील नवा लूक

महिला दिनाचे हे ३ रंग केवळ फॅशन नाहीत, तर एक विशेष संदेश देतात; जाणून घ्या त्यांचा अर्थ

पुढील लेख
Show comments