भाजी बनवताना लक्षात ठेवा या 10 किचन टिप्स

*कोबी शिजवताना शुभ्र रंग कायम राखण्यासाठी त्यात जरासे व्हिनेगर घालावे.

*पालेभाज्या सुकत असल्यास पाण्यात १ चमचा व्हिनेगर किंवा लिंबाचं रस घालून त्यात ठेवल्या तर ताज्या होतात.

*भरीतासाठी वांगी भाजण्यापूर्वी त्याला पुसट तेलाचा हात लावावा किंवा सुरीने छोटी चिर पाडावी. नंतर वांगी भाजून लगेच पातेल्याखाली झाकून ठेवल्यास साल नीट सुटतात.

*पालक कच्चा मिक्सरमध्ये वाटून मग भाजी बनवल्यास हिरवा रंग कायम राहतो.

*हिरवी मिरची जास्त काळ टिकावी यासाठी मिरचीचे देठ काढून ठेवावी.

*कांदे आणि बटाटे एकत्र साठवू नये. अशाने बटाटे जास्त काळ चांगले राहत नाही.

*रस्सा भाजीत मीठ जास्त पडल्यावर त्यात उकडलेला बटाटा घालावा किंवा कणकेचा गोळा देखील घालू शकता.

*बटाटे झटपट उकळण्याकरिता पाण्यात चिमूटभर हळद घालावी.

*भाज्यांमध्ये मीठ शेवटी घालावे. अशाने भाज्यांमधील लोह टिकण्यास मदत होते.

*भेंडीची भाजी शिजवताना त्यात आंबट घातल्याने ती चिकट होत नाही. आपण दही किंवा आमचूर पावडर घालू शकता.