राज्यातील मंत्रालयात बनावट कागदपत्रांचा घोटाळा उघडकीस आला आहे. याप्रकरणी मुंबई पोलिसांनी दोन जणांविरुद्ध गुन्हा दाखल केला आहे. या घोटाळ्यात मंत्रालयातील एका वरिष्ठ अधिकाऱ्याचाही सहभाग आहे. मुंबई पोलिसांनी गुन्हा दाखल केला आहे. बनावट कागदपत्रांद्वारे सरकारी निधीचा अपहार केल्याचाही आरोप आरोपींवर आहे.
वृत्तानुसार, गृह विभागाचे तत्कालीन उपसचिव किशोर भालेराव यांच्या संगनमताने बनावट कागदपत्र तयार करण्यात आले होते. धक्कादायक बाब म्हणजे अनेक संवेदनशील गुन्ह्यांमध्ये बनावट कागदपत्रांद्वारे वकिलांची विशेष सरकारी वकील म्हणून नियुक्ती करण्यात आली. विशेष म्हणजे हीच बनावट कागदपत्रे बार कौन्सिललाही देण्यात आली आहेत.
हे प्रकरण उघडकीस आल्यानंतर या संपूर्ण प्रकरणाची अत्यंत गोपनीय चौकशी करण्यात आली. यामध्ये किशोर भालेराव यांचा सहभाग उघड झाला. या प्रकरणात विशेष सरकारी वकील शेखर जगताप, श्यामसुंदर आणि शरद अग्रवाल यांनाही सहआरोपी करण्यात आल्याचे वृत्त आहे. गृहमंत्रालयाने किशोर भालेराव यांना निलंबित केले आहे. भालेराव यांनी बनावट आदेशही जारी केल्याचे तपास अहवालात उघड झाले आहे.
मुंबई पोलिसांनी भारतीय दंड संहिता (IPC) च्या कलम 170, 420, 465, 467, 468, 471, 474 आणि 120B नुसार गुन्हा दाखल केला आहे. या प्रकरणाची तपासणी सुरू आहे.