मुंबई विमानतळावर 4.84 कोटींचे सोने जप्त, 4 जणांना अटक

मुंबईच्या छत्रपती शिवाजी महाराज आंतरराष्ट्रीय  विमानतळावर सोन्याच्या तस्करीचे प्रकरण उघडकीस आले आहे. महसूल गुप्तचर संचालनालय(डी आरआय) ने गुप्त माहितीच्या आधारे सोन्याची तस्करी आणि विमानतळाच्या बाहेर वाहतूक करणाऱ्या विमानतळ कर्मचाऱ्यांच्या टोळीला ताब्यात घेतले.

मिळालेल्या माहितीनुसार, विमानतळावर काम करणाऱ्या कर्मचाऱ्यांची टोळी छोट्या तुकड्यांमध्ये सोन्याची तस्करी करत असल्याची माहिती डीआरआयला मिळाली त्यांनी माहितीच्या आधारे अधिकाऱ्यांनी छापा टाकला आणि दोन कर्मचाऱ्यांना सोने बाहेर नेट असताना ताब्यात घेतले. 

त्यांनतर केलेल्या कारवाईत तपासा दरम्यान 5 अंडाकृती कॅप्सूल आणि 2 मेणाच्या स्वरूपात सोन्याची धूळ देखील जप्त करण्यात आली आहे. या सोन्याचे वजन 6.05 किलो असल्याचे उघड झाले आहे. याचे बाजार मूल्य 4.84 कोटी रुपये आहे. 

मिळालेल्या माहितीनुसार, विमानतळावर कामाच्या नावाखाली ही टोळी छोट्या तुकड्यांमध्ये सोने आणून विमानतळाच्या बाहेर पोहोचवायची ही टोळी मेणाच्या स्वरूपात किंवा कॅप्सुलच्या स्वरूपात लपवून तस्करी करायचे पोलिसांनी या प्रकरणी चौघांना अटक केली आहे. 

Edited By - Priya Dixit