Moradabad Accident उत्तर प्रदेशातील मुरादाबादमध्ये रविवारी दुपारी एक वेदनादायक दुर्घटना घडली, ज्यात 8 जणांना आपला जीव गमवावा लागला. समोरून येणाऱ्या डीसीएम टँकरने टाटा मॅजिक (टॅम्पो) च्या प्रवाशांना धडक दिल्याचे सांगण्यात येत आहे. ज्यामध्ये 8 जणांना आपला जीव गमवावा लागला. टॅम्पोमधील सर्व लोक एका लग्न समारंभात सहभागी होण्यासाठी रामपूरला जात होते.
मिळालेल्या माहितीनुसार, हा अपघात मुरादाबादच्या भगतपूर पोलीस स्टेशन परिसरात घडला, ज्यामध्ये 4 जणांचा जागीच मृत्यू झाला, तर आणखी 4 जणांचा रुग्णालयात मृत्यू झाला. मृतांमध्ये एका लहान मुलीचाही समावेश आहे. या अपघातात 15 जण जखमी झाल्याचे वृत्त आहे.
टँकर पिकअप उलटला
माहिती मिळताच पोलिसांनी घटनास्थळ गाठून सर्व जखमींना मुरादाबाद जिल्हा रुग्णालयात उपचारासाठी दाखल केले. अपघाताबाबत लोकांनी सांगितले की, डीसीएम आणि टाटा मॅजिक पिकअपची टक्कर झाल्यानंतर डीसीएम पिकअपच्या वरच्या बाजूला उलटला आणि पिकअपमधील 10 लोक त्याखाली गाडले गेले.
अपघाताची माहिती देताना मुरादाबादचे सीडीओ यांनी सांगितले की, पिकअप व्हॅन आणि ट्रकच्या धडकेने 8 जणांचा मृत्यू झाला. सर्वांचे शवविच्छेदन लवकरात लवकर केले जात आहे. आम्ही 7 लोकांना कॉसमॉस हॉस्पिटलमध्ये रेफर केले आहे आणि 3 जणांना फोटॉन हॉस्पिटलमध्ये दाखल केले आहे, त्यांच्यावर उपचार सुरू आहेत. जिल्हा रुग्णालयात 5 जण दाखल आहेत.