मणिपूरमध्ये सीआरपीएफची मोठी कारवाई,चकमकीत 11 अतिरेकी ठार

मणिपूरमध्ये सीआरपीएफची मोठी कारवाई दिसून आली आहे. मिळालेल्या माहितीनुसार, जिरीबाममध्ये झालेल्या चकमकीत सीआरपीएफने 11 दहशतवाद्यांचा खात्मा केला आहे. या चकमकीत सीआरपीएफचा एक जवान जखमी झाल्याचीही माहिती आहे, त्याला उपचारासाठी एअरलिफ्ट करून रुग्णालयात दाखल करण्यात आले आहे. 

सीआरपीएफच्या सूत्रांनी दिलेल्या माहितीनुसार, दहशतवाद्यांनी सीआरपीएफ टीमवर हल्ला केल्यानंतर ही चकमक सुरू झाली.याआधी गेल्या तीन दिवसांत मणिपूरच्या डोंगरी आणि खोऱ्यात सुरू असलेल्या शोध मोहिमांमध्ये सुरक्षा दलांनी अनेक शस्त्रे, दारूगोळा आणि आयईडी जप्त केले आहेत. 

कांगपोकपी जिल्ह्यातील एस चौनगौबांग आणि माओहिंग यांच्या संयुक्त पथकाने केलेल्या दुसऱ्या कारवाईत, एक 5.56 मिमी INSAS रायफल, एक पॉइंट 303 रायफल, दोन SBBL बंदुका, दोन 0.22 पिस्तूल, दोन सुधारित प्रोजेक्टाइल लॉन्चर, आणि दारूगोळाही जप्त करण्यात आला. 

Edited By - Priya Dixit