डिजिटल अटक घोटाळ्याविरोधात मोठी कारवाई, ९,४०० व्हॉट्सॲप खाती ब्लॉक, केंद्र सरकारने सर्वोच्च न्यायालयात खुलासा केला

केंद्र सरकारने सर्वोच्च न्यायालयाला सांगितले की, 'डिजिटल अटक' घोटाळ्यांच्या वाढत्या धोक्याला तोंड देण्यासाठी दूरसंचार नियामक, सेवा प्रदाते, भारतीय रिझर्व्ह बँक (आरबीआय), प्रमुख तंत्रज्ञान कंपन्या आणि केंद्रीय अन्वेषण ब्युरो (सीबीआय) यांचा समावेश असलेली बहुआयामी कारवाई करण्यात आली आहे आणि अशा गुन्ह्यांमध्ये सामील असलेली ९,४०० व्हॉट्सॲप खाती ब्लॉक करण्यात आली आहे.

सूत्रांनुसार, गृह मंत्रालयाच्या इंडियन सायबर क्राईम कोऑर्डिनेशन सेंटरने (आय४सी) आपल्या सविस्तर स्थिती अहवालात या कारवाईचा तपशील दिला आहे. देशातील 'डिजिटल अटके'च्या वाढत्या घटनांना आळा घालण्यासाठी सर्वोच्च न्यायालयाच्या ९ फेब्रुवारीच्या निर्देशानुसार हा अहवाल दाखल करण्यात आला.

Edited By- Dhanashri Naik