तेलंगणातील वारंगल येथील महात्मा गांधी मेमोरियल हॉस्पिटल (MGMH) मधील धक्कादायक घटना घडली आहे. येथील रेस्पिरेटरी इंटरमीडिएट केअर युनिट (आरआयसीयू) मध्ये उपचार घेत असलेल्या एका व्यक्तीला उंदरांनी चावा घेतला आहे.
तेलंगणातील एका नामांकित रुग्णालयात उपचारासाठी दाखल असलेल्या एका व्यक्तीला उंदीर चावल्याचा आरोप आहे. आयसीयूमध्ये दाखल असलेल्या व्यक्तीच्या पायाला आणि हाताला उंदरांनी चावा घेतल्याचे सांगण्यात येत आहे. त्यामुळे त्यांना खूप दुखापत झाली. 38 वर्षीय रुग्ण श्रीनिवास यांना फुफ्फुस आणि यकृताशी संबंधित आजार असून 26 मार्च रोजी त्यांना आरआयसीयू वॉर्डमध्ये दाखल करण्यात आले होते .
श्रीनिवासच्या कुटुंबीयांनी गुरुवारी आरोप केला की, त्याला उंदीर चावला होता, त्यामुळे त्याच्या पायाला आणि हाताला अनेक जखमा झाल्या आहेत. MGM वरंगल हे तेलंगणातील प्रमुख सरकारी रुग्णालयांपैकी एक आहे.
या प्रकरणाची गंभीर दखल घेत आरोग्य विभागाने रुग्णालयातील दोन डॉक्टरांना निलंबित केले आहे.
ही घटना उघडकीस आल्यानंतर सरकारने रुग्णालयाचे अधीक्षक बी श्रीनिवास राव यांची बदली केली. तर या प्रकरणात आरोग्य विभागाने ड्युटीवर असलेल्या दोन डॉक्टरांनाही निलंबित केले आहे.