वडोदरामध्ये मद्यधुंद चालकाने अनेक लोकांना चिरडले, व्हिडिओ व्हायरल

Vadodara accident news : गुजरात मधील अमरापली, कारेलिबाग येथे एका मद्यधुंद चालकाने अनेकांना चिरडल्याची बातमी समोर आली आहे. या भयानक अपघातात एका महिलेचा मृत्यू झाला आहे, तर चार गंभीर जखमी झाले आहे. तसेच अपघातात एक लहान मुलगी गंभीर जखमी झाली.

 तसेच डीसीपी पन्ना मोमाया म्हणाले की, अपघातात एका महिलेचा मृत्यू झाला असून चार जखमी झाले आहे, ज्यांच्यावर रुग्णालयात उपचार सुरू आहे. कारचालकाला अटक करण्यात आली आहे. आरोपीची ओळख वाराणसी येथील रहिवासी रवीश चौरसिया अशी आहे. त्याच्याबरोबर एक मित्र देखील कारमध्ये बसला होता, जो अजून फरार आहे. त्याला पकडण्यासाठी वेगवेगळ्या पथकांची स्थापना केली गेली आहे. तसेच पुढील तपास सुरु असल्याचे  पोलिसांनी सांगितले.

Edited By- Dhanashri Naik