भीषण अपघातात तीन तरुणांचा मृत्यू

Uttar Pradesh News: उत्तर प्रदेशातील जौनपूर जिल्ह्यात सोमवारी संध्याकाळी महामार्गावर भरधाव वेगाने येणाऱ्या टँकरने धडक दिल्याने मोटारसायकल चालवणाऱ्या तीन तरुणांचा मृत्यू झाला. हा अपघात सिक्रारा पोलिस स्टेशन परिसरात जौनपूर-प्रयागराज महामार्गावर झाला.

मिळालेल्या माहितीनुसार मृत तरुण लग्नात स्वयंपाकी म्हणून कामाला होते. काम आटोपून तिघेही संध्याकाळी मच्छिल्हार येथून एकाच मोटारसायकलवरून घरी परतत असताना ऐनापूर-डमरुवा लिंक रोडजवळ समोरून भरधाव वेगाने येणाऱ्या टँकरने त्यांना चिरडले. यामध्ये तिघांचा जागीच मृत्यू झाल्याचे अधिकारींनी सांगितले.

अपघातानंतर टँकर चालक वाहन सोडून पळून गेला असून त्याचा शोध सुरू असल्याचे अधिकारींनी सांगितले.

Edited By- Dhanashri Naik