एक सप्ताहासाठी मोफत शिवभोजन थाळी, प्रजासत्ताक दिनाचे औचित्य साधून अनोखा उपक्रम

पुणे जिल्ह्यातील इंदापुरात राष्ट्रवादीच्या नगरसेवकाकडून पुढच्या एक सप्ताहासाठी मोफत शिवभोजन थाळीचं आयोजन केलं गेलं आहे. प्रजासत्ताक दिनाचे औचित्य साधून हा अनोखा उपक्रम आयोजित करण्यात आलाय. 

इंदापूरमध्ये राष्ट्रवादीचे नगरसेवक प्रशांत सिताफ यांनी प्रजासत्ताक सप्ताह अन्नदान मोफत शिवभोजन थाळी हा अनोखा उपक्रम चालू केलेला आहे. इंदापूर शहरातील बसस्थानकाच्या आवारात असलेल्या शिवभोजन थाळी केंद्रात गोरगरीब लोकांना तसेच गरजू लोकांना मोफत शिवभोजन थाळी दिली जात आहे.

नगरसेवक प्रशांत सिताफ यांच्यामार्फत हा उपक्रम 25 जानेवारी पासून सुरू केलेला असून 31 जानेवारीपर्यंत येणाऱ्या सर्व गरजु लोकांना शिवभोजन थाळी मोफत स्वरूपात देण्यात येणार आहे.

प्रजासत्ताक दिनाचे औचित्य साधून ‘प्रजासत्ताक सप्ताह अन्नदान’ असा हा उपक्रम सुरु केला आहे. दररोज रोज अनेकांना या माध्यमातून मोफत शिवभोजन थाळी दिली जात आहे.