80 कुख्यात कैद्यांचे कळंबा मध्यवर्ती कारागृहात स्थलांतर

गेल्या दोन-तीन दिवसांपासून महाराष्ट्रातील अनेक जिल्ह्यांमध्ये मुसळधार पाऊस पडत आहे. मुसळधार पावसामुळे मुंबई आणि उपनगरे, ठाणे आणि पुणे शहरात जनजीवन विस्कळीत झाले आहे. मात्र, शुक्रवारी राज्यभरात पावसाचा जोर कमी झाला. दरम्यान सांगली जिल्ह्यात मुसळधार पावसामुळे कृष्णा नदीच्या पाणी पातळीत झपाट्याने वाढ होत आहे. अशा परिस्थितीत नदीलगतच्या भागात पुराचा धोका निर्माण झाला आहे.

मुसळधार पावसामुळे कृष्णा नदीला पूर आला आहे. सांगली जिल्हा कारागृहातही नदीचे पाणी शिरण्याची शक्यता आहे. त्यामुळे प्रशासनाने खबरदारीचा उपाय म्हणून शुक्रवारी 80 कुख्यात कैद्यांना कोल्हापूर जिल्ह्यातील कळंबा मध्यवर्ती कारागृहात हलवले.

सांगली जिल्हा कारागृह अधीक्षक महादेव होरे म्हणाले की, कारागृहात पुराचे पाणी शिरण्याची शक्यता असल्याने कडेकोट बंदोबस्तात 20 महिला कैद्यांसह 80 कैद्यांना कळंबा मध्यवर्ती कारागृहात हलविण्यात आले आहे.

अधिकाऱ्याने सांगितले की, कृष्णा नदीच्या पाण्याची पातळी झपाट्याने वाढत आहे. परिस्थिती लक्षात घेऊन तुरुंग प्रशासनाने आधीच कारागृहात असलेली अन्नधान्ये, कागदपत्रे, शस्त्रे आणि दारूगोळा सुरक्षित स्थळी हलवला होता.