ठाणे येथे महापालिकेच्या सहाय्यक आयुक्त कल्पिता पिंपळे यांच्यावर एका माथेफिरूद्वारे झालेल्या जीवघेण्या हल्ल्याचा सांगोला नगरपरिषदेमार्फत तीव्र निषेध नोंदवण्यात आला.
अमरजीत यादव असं या हल्लेखोर फेरीवाल्याचं नाव असून पोलिसांनी त्याला तात्काळ अटक केली असून त्याच्या जवळचा चाकूही पोलिसांनी हस्तगत केला आहे. हा हल्ला एवढा भयावह होता की घटनास्थळी असलेल्या आजूबाजूच्या नागरिकांना देखील मनात घडकी भरली होती, तर उपस्थित असलेल्या काही नागरिकांनी दुरूनच फोटो, व्हिडिओ काढण्यास सुरुवात केली.
आरोपी अमरजीत यादव हा मुळचा बिहारचा असून तो ठाण्याच्या ब्रम्हांड परिसरात राहतो. याआधीही ३ वर्ष अगोदर अमरजीतने अशाच प्रकारे हल्ला केला होता. आरोपी कासारवडवली पोलिसांच्या अटकेत असून पोलीस पुढील कारवाई करत असल्याचं कळतंय.