फलकावरून साताऱ्यात तणाव, गृहराज्यमंत्री शंभूराज देसाई यांचे तपासाचे आदेश

राज्यसभेचे खासदार उदयनराजे भोसले यांनी काल अचानक सर्वांना धक्का देत शहरात उभारलेल्या ग्रेड सेपरेटरचे उद्घाटन केले. प्रवेशद्वारावर छत्रपती संभाजी महाराज असा फलक लावण्यात आला होता. मात्र, हा फलक रात्री अज्ञात व्यक्तीने फाडल्याने साताऱ्यात वातावरण चांगलेच तापले असून तणावाची स्थिती निर्माण झाली आहे. 

पोवईनाका भागात तणावाची परिस्थीती निर्माण झाली. त्यामुळे पोलिसांनीही पोलीस बंदोबस्त वाढवला. उदयनराजे समर्थकांनी या घटनेचा निषेध करत मूक मोर्चा काढला. त्यानंतर छत्रपती संभाजी महाराज यांच्या नावाचा फलक लावण्यात आला. गृहराज्यमंत्री शंभूराज देसाई यांनी या घटनेच्या तपासाचे आदेश दिल्यानंतर तणाव निवळला.