हत्या की अपघात? नागपुरात रस्त्याच्या कडेला पडलेल्या पाईपमध्ये दोन तरुणांचे मृतदेह आढळले

Nagpur News: नागपूरच्या यशोधरानगर पोलीस स्टेशनच्या हद्दीत गुरुवार-शुक्रवारी मध्यरात्री पोलीस स्टेशनजवळ भरधाव वेगामुळे दोन दुचाकीस्वार तरुणांचा अपघात झाला. पण, दोघांच्या मृत्यूबाबत संशय निर्माण झाला आहे.

मिळालेल्या माहितीनुसार नागपूरच्या यशोधरानगर पोलीस स्टेशनच्या हद्दीत गुरुवारी रात्री भरधाव वेगामुळे दुचाकीस्वार दोन तरुणांचा अपघात झाला. या अपघातात रस्त्याच्या कडेला पडलेल्या पाण्याच्या पाईपला आदळल्यानंतर दोघेही त्याच पाईपमध्ये घुसले, त्यानंतर गंभीर जखमी झाल्याने त्यांचा मृत्यू झाला. हे दोन्ही तरुण बाऊन्सर असल्याचे सांगण्यात येत असून ते कोणत्या तरी कार्यक्रमातून घरी परतत होते.  

यशोधरा नगर पोलिस स्टेशनच्या काही अंतरावर असलेल्या एचसीजी कॅन्सर हॉस्पिटलजवळ महापालिकेने पाण्याची पाइपलाइन ठेवण्यासाठी गोदाम बांधले आहे. गोदामात जागेअभावी हे पाईप निष्काळजीपणे रस्त्याच्या कडेला ठेवण्यात आले आहे. गुरुवार-शुक्रवारी मध्यरात्री 2.15 च्या सुमारास दोघेही तरुण एमएच 49 बीसी 8983 क्रमांकाच्या दुचाकीवरून कामावरून घरी जात होते. त्याचवेळी भरधाव वेगामुळे त्यांची दुचाकी रस्त्याच्या कडेला ठेवलेल्या पाईपला धडकली. गंभीर जखमी तरुणाचा जागीच मृत्यू झाला.तसेच पोलिसांना माहिती मिळताच पोलिसांचे पथक घटनास्थळी पोहोचले आणि त्यांनी पाईपमध्ये अडकलेल्या दोन्ही तरुणांना बाहेर काढून उपचारासाठी रुग्णालयात नेले, पण डॉक्टरांनी त्यांना मृत घोषित केले.

तसेच ज्या पद्धतीने त्यांचे मृतदेह पाईपमध्ये सापडले, त्यावरून हत्येचा संशय व्यक्त केला जात आहे. भरधाव वेगाने येणाऱ्या वाहनाने त्यांना धडक दिली आणि नंतर जखमी अवस्थेत दोघेही पाईपमध्ये फेकले, असे बोलले जात आहे. सध्या पोलिसांनी आकस्मिक मृत्यूची नोंद केली आहे. तपास केला जात आहे.