Danish Open Swimming:अभिनेत्याच्या मुलाने स्पर्धेत जिंकले रौप्य पदक, स्वतः ट्विट करून दिली माहिती

ज्येष्ठ अभिनेते आर माधवन यांचा मुलगा वेदांत माधवन याने डॅनिश ओपन स्विमिंग चॅम्पियनशिप स्पर्धेत रौप्य पदक जिंकले आहे. खुद्द आर माधवनने सोशल मीडिया हँडल इन्स्टाग्रामवर ही माहिती दिली. त्याने आपल्या पोस्टमध्ये लिहिले - कोपनहेगनमध्ये खेळल्या जात असलेल्या डॅनिश ओपनमध्ये वेदांतने रौप्य पदक जिंकले. प्रदीप सर आणि भारतीय जलतरण महासंघ, तुमच्या सर्व प्रयत्नांबद्दल खूप खूप धन्यवाद. या यशाचा आम्हाला अभिमान आहे. 

View this post on Instagram

A post shared by R. Madhavan (@actormaddy)

16 वर्षीय वेदांतने या स्पर्धेत अप्रतिम कामगिरी केली आहे. त्याने पुरुषांच्या 1500 मीटर फ्रीस्टाइल स्पर्धेत रौप्यपदक जिंकण्यासाठी वैयक्तिक सर्वोत्तम कामगिरी केली. वेदांतने अंतिम फेरीत 15.57.86 वेळेसह दुसरे स्थान पटकावले. अंतिम फेरीत 10 जलतरणपटूंचा समावेश होता. वेदांतने यापूर्वी 2021 मध्ये लॅटव्हिया ओपनमध्ये कांस्यपदक जिंकले होते.

यानंतर त्याने गेल्या वर्षीच ज्युनियर नॅशनल अॅक्वाटिक चॅम्पियनशिपमध्ये सात पदके जिंकली होती. यामध्ये चार रौप्य आणि तीन कांस्य पदकांचा समावेश आहे. वेदांत हा राष्ट्रीय जलतरण पदक विजेता आहे. अलीकडेच आर माधवनने सांगितले होते की त्यांचे कुटुंब सध्या दुबईत आहे आणि वेदांत ऑलिम्पिकच्या तयारीत व्यस्त आहे. वेदांतची चांगली तयारी करण्यासाठी त्याचे कुटुंब दुबईला गेले आहे.