Tiger Disha Breakup: टायगर श्रॉफ आणि दिशा पटानी यांचे सहा वर्षांचे नाते संपुष्टात आले!

मनोरंजन विश्वात नाती बनवण्याच्या आणि बिघडण्याच्या बातम्या अनेकदा समोर येतात. काही काळापासून चित्रपट जगतातील अनेक प्रसिद्ध जोडप्यांच्या ब्रेकअपच्या बातम्या समोर आल्या, ज्याने सर्वांनाच आश्चर्याचा धक्का बसला. बी-टाऊनमधील प्रसिद्ध जोडप्यांपैकी एक अभिनेता टायगर श्रॉफ आणि अभिनेत्री दिशा पटानी पुन्हा एकदा चर्चेत आले आहेत. खरंतर, बऱ्याच दिवसांपासून एकमेकांना डेट करत असलेल्या या कपलचं नातं संपुष्टात आलं आहे. दिशा आणि टायगरने कधीच अधिकृतपणे त्यांच्या नात्याचा स्वीकार केला नसला तरी आता दोघांनी वेगळे झाल्याच्या बातम्या येत आहेत.

टायगर श्रॉफ आणि दिशा पटानी बरेच दिवस एकत्र होते. दोघांना डिनर, पार्टी आणि एअरपोर्टवर अनेकदा स्पॉट करण्यात आले आहे. अशा परिस्थितीत त्यांच्या विभक्त झाल्याची बातमी त्यांच्या चाहत्यांसाठी खूपच निराशाजनक आहे. याविषयी अद्याप जोडप्याच्या बाजूने कोणतीही माहिती समोर आलेली नसली तरी, अभिनेत्याच्या मित्राचे वक्तव्य या वृत्तांना पुष्टी देत ​​आहेत. टायगर आणि दिशाने त्यांचे जवळपास 6 वर्ष जुने नाते संपुष्टात आणून वेगळे होण्याचा निर्णय घेतल्याचे वृत्त काही काळापासून समोर येत होते.

मीडिया रिपोर्ट्सनुसार, त्यांच्या विभक्त होण्याचे कारण समजू शकले नाही, परंतु हे निश्चितपणे समोर आले आहे की गेल्या एक वर्षापासून दोघांमध्ये खूप मतभेद होते. टायगरच्या एका मित्राने नुकतेच टायगर आणि दिशाचे नाते संपुष्टात आल्याची पुष्टी केली आहे आणि काही आठवड्यांपूर्वी त्यालाही याची माहिती मिळाली होती.

अभिनेत्याच्या मित्राने असेही सांगितले की अभिनेत्याने या क्षणी याबद्दल कोणालाही सांगितले नाही. अभिनेता या क्षणी फक्त त्याच्या कामावर लक्ष केंद्रित करू इच्छित आहे आणि ब्रेकअपचा त्याच्यावर फारसा परिणाम झाला नाही. वृत्तांवर विश्वास ठेवला तर टायगर आणि दिशा एकमेकांपासून वेगळे झाले असले तरी ते अजूनही चांगले मित्र आहेत. दोघेही सोशल मीडियावर एकमेकांना फॉलो करत आहेत आणि अजूनही एकमेकांच्या चित्रपटाचे प्रमोशन करत आहेत.