रोहित शर्माला टीम इंडियाचा नवा वनडे कर्णधार बनवण्यात आले आहे. 2021 च्या टी20 विश्वचषकानंतर रोहितकडे आधीच टी20 संघाची कमान सोपवण्यात आली आहे आणि आता ते वनडेमध्येही टीम इंडियाचे नेतृत्व करणार. माजी मुख्य प्रशिक्षक रवी शास्त्री यांनी भारतीय क्रिकेटमध्ये विभाजित कर्णधारपद आणि रोहितला मर्यादित षटकांच्या फॉरमॅटचा कर्णधार बनवण्याबाबत मत व्यक्त केले आहे. रोहित हा असा कर्णधार आहे, जो संघात असलेल्या संसाधनांचा पुरेपूर फायदा घेतो,असे शास्त्रींचे मत आहे.
रवी शास्त्री म्हणाले, 'तो कोणालाही प्रभावित करण्याचा विचार करत नाही, तो संघासाठी जे सर्वोत्तम आहे ते करतो. संघातील प्रत्येक खेळाडूचा पुरेपूर फायदा कसा घ्यायचा हे त्याला माहीत आहे. मुख्य प्रशिक्षक म्हणून आपल्या कार्यकाळाची आठवण करून देताना, रवी शास्त्री म्हणतात की विराट कोहली आणि रोहित शर्मा हे जगातील सर्वोत्कृष्ट फलंदाजांपैकी एक असल्याचे पाहून मला आनंद आणि अभिमान वाटतो. शास्त्री 2014 मध्ये टीम इंडियामध्ये सामील झाले, मुख्य प्रशिक्षक होण्यापूर्वी ते संचालक म्हणून संघाशी संबंधित होते. अनिल कुंबळेचा मुख्य प्रशिक्षक म्हणून कार्यकाळ 2017 मध्ये संपला जेव्हा शास्त्री मुख्य प्रशिक्षक बनले.
विराट कोहली आणि रोहित शर्मा. या दोघांनी मर्यादित षटकांच्या फॉरमॅटमध्ये आणि कसोटी क्रिकेटमध्ये ज्या प्रकारे कामगिरी केली, ती अभूतपूर्व होती. चांगला वेगवान आक्रमण, ऑस्ट्रेलियात ऑस्ट्रेलियाला हरवणे हे सर्व काही खास आहे.