महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने घेण्यात आलेल्या १० वी परिक्षेचा निकाल जाहीर करण्यात आला आहे. राज्यातील ९ विभागीय परीक्षा मंडळातील २१,९५७ शाळांमधील विद्यार्थ्यांनी परीक्षा दिली होती. राज्यातील ४०२८ शाळांचे निकाल १०० टक्के लागले आहेत. तर ३३ शाळांचे निकाल चक्क शून्य टक्के लागला आहेत.
पुणे विभागातील ३ शाळा, नागपूर विभागातील ४ शाळा, संभाजीनगर विभागातील ९ शाळा, मुंबई विभागातील ५ शाळा, अमरावती विभागातील २ शाळा, नाशिक विभागातील ४ शाळा, लातूर विभागातील ६ शाळांचा निकाल शून्य टक्के लागला आहे. कोकण आणि कोल्हापूर विभागातील एकाही शाळेचा निकाल शून्य टक्के लागलेला नाही.