Webdunia - Bharat's app for daily news and videos

Install App

फटाक्यांच्या कंपनीतील आग 21 तासांनी विझली

Webdunia
सोमवार, 26 एप्रिल 2021 (08:05 IST)
टाक्याची दारू बनविणाऱ्या कारखान्यात स्फोट होऊन भीषण आग लागली. ही घटना शनिवारी दुपारी थेरगाव येथील पदमजी पेपर मिल समोर असणाऱ्या पी.के. मेटल या कारखान्यात घडली. शनिवारी दुपारी साडेतीन वाजता लागलेली आग रविवारी दुपारी साडेबारा वाजता विझली. ही आग तब्बल 21 तास सुरू होती.
 
थेरगाव येथे पदमजी पेपर मिलच्या समोर दाट लोकवस्तीमध्ये पी के मेटल नावाचा कारखाना आहे. या कारखान्यात फटाक्यांची दारू बनवली जाते. आकर्षक, रंगीबेरंगी, शोभेच्या दारुकामासाठी त्यात मॅग्नेशियमचा वापर केला जातो.
 
पी के मेटल्स या कारखान्यातील एका मशीनमध्ये शनिवारी दुपारी बिघाड झाला आणि त्यामुळे कारखान्यात आग लागली असल्याची माहिती कारखान्याच्या मालकाने अग्निशमन विभागाला दिली. आगीने क्षणात रौद्ररूप धारण केले. कारखान्यात असलेल्या मॅग्नेशियमने पेट घेतला आणि त्याचा भीषण स्फोट झाला. या स्फोटामुळे थेरगाव परिसरातील काही घरांच्या छताचे पत्रे, खिडक्यांच्या काचा फुटल्या. तसेच, काही दुकानांचे देखील मोठे नुकसान झाले आहे. ही आग तब्बल 21 तासांनी विझली आहे.
 
यापूर्वी जुलै 2013 मध्ये देखील या ठिकाणी अशीच आग लागली होती. सुदैवाने त्यावेळी आणि आताही दोन्ही घटनांमध्ये जीवित हानी झाली नाही. फटाक्यांची दारू बनवण्याचा पी. के. मेटल हा कारखाना दाट लोकवस्तीत आहे. या ठिकाणी आग लागण्याचा कायम धोका असतो. त्यामुळे हा कारखाना बंद करण्याची मागणी स्थानिकांकडून केली जात आहे.

संबंधित माहिती

पंढरपूरच्या विठुमाऊलीचे पदस्पर्श दर्शन येत्या 2 जूनपासून सुरु

Lok Sabha Elections 2024: पंतप्रधान मोदींनी पुरुलियामध्ये इंडिया आघाडीवर टीका केली, म्हणाले

आग्रा येथील तीन बूट व्यावसायिकांवर आयकर विभागाचा छापा,नोटा मोजताना मशीन थकली

आम आदमी पार्टीला चिरडण्याचा प्रयत्न करत आहे म्हणत केजरीवालांचा भाजपवर हल्लाबोल

गुरु -शिष्याच्या नात्याला तडा, कुस्तीकोच ने केला अल्पवयीन विद्यार्थिनीचा विनयभंग

Thane : एक केळी जास्त घेतल्याने फळ विक्रेताची ग्राहकाला लोखंडी रॉडने मारहाण

शेतकऱ्यांसाठी आनंदाची बातमी; मान्सून वेळेपूर्वी अंदमानात दाखल होणार!

प्रयागराजमध्ये राहुल गांधी आणि अखिलेश यादव यांच्या सभेत चेंगराचेंगरी, अनेक जखमी

नोएडाच्या हॉटेलला लागलेल्या आगीत महिला फिजिओथेरपिस्टचा मृत्यू

महाराष्ट्रात मतदान करण्यापूर्वी शाहरुख खानने लोकांना मतदान करण्याचे आवाहन केले

पुढील लेख
Show comments