राज्यातील रुग्णवाढ मंदवली

मुंबईत कोरोना बाधितांच्या पॉझिटिव्हिटी रेट 28 टक्के होता तो मंगळवारी घसरुन 18.7 टक्यांवर पोहोचला आहे. याच संदर्भात महाराष्ट्र कोविड टास्क फोर्सचे सदस्य डॉ शशांक जोशी (Dr Shahank Joshi) यांनी म्हटलं, मुंबईत कोरोना रुग्णसंख्येने उच्चांक गाठला आणि आता लवकरच रुग्णसंख्या आटोक्यात येऊ शकते. या आकडेवारीत आम्ही आणखी घसरण होण्याची अपेक्षा करतो.  

महाराष्ट्र आणि मुंबईत सोमवारी कोरोना व्हायरसच्या संसर्गाच्या आकडेवारीत घट झाली. मुंबईत कमी रुग्ण आढळून येत असल्याचे तज्ज्ञ 'संडे इफेक्ट' सांगत आहेत. त्याच वेळी, काही तज्ञ हे एक चांगले चिन्ह मानत आहेत. सोमवारी मुंबईत संसर्गाच्या प्रकरणांमध्ये 30 टक्क्यांनी घट नोंदवली गेली. शहरात 13 हजार 468 नवीन रुग्ण आढळले आहेत. रविवारी हा आकडा 19 हजार 474 एवढा होता. याशिवाय शहरातील सकारात्मकता दरही 23 टक्क्यांवर आला आहे.

आकडेवारीवर नजर टाकली तर, 7 जानेवारीपासून मुंबईतील प्रकरणांमध्ये घट झाली आहे. शुक्रवारी शहरात 20 हजार 971 रुग्ण आढळले होते, जे 8 जानेवारी म्हणजेच शनिवारी 20 हजार 318 वर आले. रविवारी हा आकडा 19 हजार 474 एवढा होता. सोमवारी नवीन बाधितांची संख्या 13 हजार 648 वर आली आहे.

विशेष म्हणजे सोमवारी मुंबईत कमी रुग्णांची संख्या चाचणीच्या आकडेवारीशी जोडली जाऊ शकते. बृहन्मुंबई महानगरपालिकेने ७ जानेवारी रोजी ७२ हजार ४४२ चाचण्या घेतल्या. त्या काळात चाचणी सकारात्मकता दर 29 टक्के होता. ८ जानेवारी रोजी २८.६ टक्के टीपीआर असलेल्या ७१ हजार १९ चाचण्या घेण्यात आल्या. 9 जानेवारी रोजी टीपीआर 28.5 टक्के होता आणि 68 हजार 249 चाचण्या झाल्या. 10 जानेवारी रोजी 59 हजार 242 चाचण्या घेण्यात आल्या आणि टीपीआर 23 टक्के होता.

आकडेवारी कमी होण्याचे कारण 'संडे इफेक्ट' आहे. डॉ. प्रदिव आवटे म्हणाले की लोकसंख्येचा मोठा भाग आधीच प्रभावित झाला आहे, त्यामुळे संसर्गाचा धोका असलेल्या लोकसंख्येचे प्रमाण कमी झाले आहे. ते म्हणाले, 'दक्षिण आफ्रिकेत पाहिल्याप्रमाणे, सकारात्मकता दर 32.34 टक्क्यांपर्यंत वाढला होता आणि अचानक कमी झाला. व्हायरसलाही मर्यादा असतात. त्यामुळे ताज्या आकडेवारीवरून कळते की शिखर संपले आहे, परंतु पुढील एक आठवड्याचा डेटा उपलब्ध होईपर्यंत निश्चितपणे काहीही सांगता येणार नाही.'