साहित्य : १ किलो तांदुळ १ मोठी वाटी चणा डाळ, १/२ वाटी मुगडाळ, १/२ वाटी ज्वारी आणि पोहे यान्चे मिश्रण, १ वाटी तेल, १ चमचा जिरे, तीळ आणि धने प्रत्येकी चवीपुरते मीठ व तिखट. तळण्यासाठी तेल.
कृती : सर्वप्रथम तांदुळ, दोनही डाळी, पोहे, ज्वारी हे एकत्र करून थोडेसे भाजून (फक्त गरम होईपर्यंत) घ्यावे. त्यात धने व जिरे घालून हे सर्व मिश्रण दळून आणावे. वरील मिश्रणाचे पीठ एका ताटात घेउन त्यात मीठ, तिखट, तीळ, तेल व गरजेपुरते कोमट पाणी घालून घट्ट मळून घ्यावे. यात हळद वापरू नये. चकल्या करून तेलात गुलाबीसर तळाव्यात.