Webdunia - Bharat's app for daily news and videos

Install App

श्री कोकिळा माहात्म्य अध्याय तेविसावा

Webdunia
बुधवार, 19 जून 2024 (11:34 IST)
॥ श्रीगणेशाय नम: ॥
धर्म म्हणे दयानिधी ॥ ऐका सेवकांची विनंती ॥ कथा दावी शीघ्रगती ॥ पुण्यपावन जी असें ॥१॥
धर्माचे वाक्य ऐकोन ॥ कृष्ण म्हणे तयालागुन ॥ स्त्रिया करिती व्रत हे पूर्ण ॥ तयासी सौभाग्य प्राप्त असे ॥२॥
कलावती नामे स्त्री जाण ॥ तिनें व्रत केलें पावन ॥ सौभाग्यप्राप्ती तियेलागुन ॥ पुत्रपौत्र धनधान्य ॥ झालें प्राप्त निर्धारें ॥३॥
धर्म म्हणे कृष्णासी ॥ कलावती कोण वंशी ॥ सौभाग्यप्राप्त तियेसी ॥ कशी झाली तें सांगा ॥४॥
श्रीकृष्ण म्हणे धर्मा ऐक ॥ हे कथा दोष दाहक ॥ चंद्रकेतु नाम विख्यात ॥ कर्नाटक देशीं रहात ॥५॥
राज्य करी नीति करुन ॥ गौ ब्राह्मणाचें प्रतिपालन ॥ चंद्रलेखा नामेंकरुन ॥ स्त्री त्याची पतिव्रता ॥६॥
ऐसा राजा पुण्यपवित्र ॥ न होय तयासी पुत्र प्राप्त ॥ कालेंकरुन कन्यारत्न ॥ एक तयासी झालें पैं ॥७॥
ती कन्या परम सुलक्षण ॥ गुणें परम संपन्न ॥ शरीर तिचें सुकुमार पूर्ण ॥ कमळा सारिखे नेत्र तिचे ॥८॥
शुध्द बिजेपासून ॥ जैसा चंद्र वाढे पूर्ण ॥ तैसी ती कन्या सगुण ॥ दिनेदिन वाढत ॥९॥
नाम तियेचे कलावती ॥ स्वरुपे जैसी दमयंती ॥ ऐसी कन्या देखोन भूपती ॥ परम संतोष वाटत ॥१०॥
कलावती उपवर देखोनी ॥ चिताग्रस्त राजा मनीं ॥ हे कन्या सुलक्षणी ॥ कोणालागीं द्यावी आतां ॥११॥
ऐसी चिंता करितां जाण ॥ कोणी एक ब्राह्मण आला जाण ॥ राजे तयासी सन्मानून ॥ आसनावरी बैलविला ॥१२॥
दोन्ही हस्त पुढें जोडून ॥ ब्रह्माणासी करी नमन ॥ काय इच्छा तुम्हांलागुन ॥ ती आम्हालागीं सांगावी ॥१३॥
ऐसें राजाचे वचन ॥ ब्राह्मणें केलें श्रवण ॥ ब्राह्मण बोले तयांलागुन ॥ सावधा चित्तें ऐक भूपा ॥१४॥
मी केवळ अनाथदिन ॥ माय बाप गेले मरून ॥ यालागीं राया मी जाण ॥ वास्तव्य करीन तुझे घरीं ॥१५॥
तेव्हां राजे तयासी ॥ ठेविले आपुल्या घरासी ॥ ब्राह्मण बहु तेजोरासी ॥ राजा बहुत संतोषला ॥१६॥
कलावती कन्या जाण ॥ अर्पिली ब्राह्मणालागून ॥ विधियुक्त झाले लग्न ॥ तेणें सुख रायासी ॥१७॥
ते वधुवरें दोघेंजण ॥ रायें ठेविलीं गृहालागून ॥ तो गौतमऋषी येऊन ॥ राजया सन्मुख बैसला ॥१८॥
गौतम ऋषी येतां जाण ॥ रायें त्यासी सन्मानून ॥ शोडशोपचारें पूजा करुन ॥ राजा ऋषीस पुसत ॥१९॥
राजा म्हणी गौरमासी ॥ कन्या माझी लावण्यराशी ॥ इचा स्वामी निश्चयेसी ॥ पहा तुम्ही सादरें ॥२०॥
चंद्रकेतुचें वचन ॥ ऋषीचें ऐकिलें सावधान ॥ मग आपुलें मस्तक जाण ॥ कंपविता पै झाला ॥२१॥
ऋषीचे सर्व चरित्र ॥ चंद्रकेतू स्वयें पहात ॥ मग ऋषीलागं पुसत ॥ कां मान तुम्ही हालविली ॥२२॥
कन्या आणि जामातासी ॥ काय भविष्य उभयतांसी ॥ पुढें होणार ते निश्चयेसीं ॥ सांगावें हो गुरुवर्या ॥२३॥
ऐसें राजाचें वचन ॥ गौतमें करुन श्रवण ॥ जामात आणि कन्या सगुण ॥ जोडा सुंदर बहु असे ॥२४॥
स्त्रीपुरुष जेथें उत्तम ॥ तेथें विघ्न येतसे परम ॥ यालागी संकष्ट जाण ॥ मजलागीं प्राप्त झालें ॥२५॥
इतिश्रीभविष्योत्तर पुराणें ॥ ब्रह्मोत्तरखंडे ॥ कोकिळामहात्म्य ॥ त्रयोविंशतिंतमोऽध्याय: अध्याय ॥२३॥
॥ श्रीकृष्णार्पणमस्तु ॥
॥ अध्याय २३ वा समाप्त: ॥

संबंधित माहिती

सर्व पहा

नवीन

आरती सोमवारची

Surya Dev Mantra: सूर्याच्या 7 शक्तिशाली मंत्र जपल्याने सर्व इच्छा पूर्ण होतात, रविवारी कोणत्याही एका मंत्राचा जप करा

रविवारी करा आरती सूर्याची

दशरथ कृत शनि स्तोत्र

आरती शनिवारची

सर्व पहा

नक्की वाचा

महिला डॉक्टरने नगरसेवक प्रियकराला लग्नासाठी बोलावले, नकार दिल्यामुळे त्याचा प्रायव्हेट पार्ट कापला

महाराष्ट्र विधानपरिषदेत राहुल गांधींच्या 'हिंदू' वक्तव्यावर शिवीगाळ आणि प्रचंड गोंधळ

आता भगवान शिवाची प्रतिमा असलेले राहुल गांधींचे पोस्टर्स प्रदर्शित केले जातील

मेलबर्नहून दिल्लीला येणाऱ्या विमानात भारतीय तरुणीचा मृत्यू

Weather Update News :राज्यातील या भागांना अति मुसळधार पावसाचा इशारा

पुढील लेख
Show comments