रुसच्या एका विद्यापीठात गोळीबाराची धक्कादायक घटना समोर आली आहे या मध्ये 8 लोकांचा मृत्यू झाला आहे. गोळीबाराच्या घटनेनंतर संपूर्ण विद्यापीठात खळबळ उडाली आणि विद्यार्थ्यांनी इमारतीवरून उडी मारून पळ काढण्यास सुरुवात केली.सोशल मीडियावर एक व्हिडीओ शेअर करण्यात आला आहे ज्यात विद्यार्थी किती घाबरले होते हे पाहिले जाऊ शकते.या घटनेत किमान 8 जणांचा मृत्यू झाला आहे.
रुसच्या पर्म शहरातील एका विद्यापीठात सोमवारी सकाळी झालेल्या गोळीबारात आठ जण ठार झाले तर सहा जण जखमी झाले. रशियन तपास समितीने ही माहिती दिली. पर्म क्षेत्राच्या आरोग्य मंत्रालयाच्या मते, 14 लोक जखमी झाले आहेत. जखमींविषयी येणारे वेगवेगळे आकडे जुळवता आले नाहीत.
रशियाच्या गृह मंत्रालयाने सांगितले की बंदूकधारीला नंतर ताब्यात घेण्यात आले. या घटनेनंतर चौकशी समितीने हत्येचा तपास सुरू केला आहे. सरकारी तास वृत्तसंस्थेने एका अज्ञात कायदेशीर स्रोताचा हवाला देत सांगितले की, काही विद्यार्थ्यांनी एका इमारतीच्या खिडकीतून उडी मारली.प्रादेशिक आरोग्य मंत्रालयाच्या म्हणण्यानुसार, जखमींना गोळ्या लागल्या आणि त्यांनी इमारतीमधून पळून जाण्याचा प्रयत्न केल्यामुळे गंभीर इजा झाली आहे..