पेटीएम पुन्हा गूगल प्ले स्टोअरमध्ये आले आहे. पुन्हा एकदा ते Google Play Store मध्ये डाऊनलोडासाठी उपलब्ध झाले आहे. कंपनीने ट्विटद्वारे याबाबत माहिती दिली आहे. यापूर्वी शुक्रवारी गूगलने स्पोर्ट्स सट्टेबाजीच्या कामांबाबतच्या धोरणाचे उल्लंघन केल्याबद्दल पेटीएम अॅपला प्ले स्टोअरमधून काढून टाकल्याचे सांगितले.
पेटीएम अॅप डाउनलोड किंवा अपडेट करणे शक्य नाही, परंतु या अ‍ॅपच्या सध्याच्या वापरकर्त्यांचा याक्षणी कोणताही परिणाम झाला नाही. शुक्रवारी ई-मेलच्या उत्तरात गूगलने म्हटले आहे की, “प्ले धोरणांचे उल्लंघन केल्यामुळे अॅप ब्लॉक करण्यात आला आहे - आमच्या धोरणासंदर्भात आयपीएल स्पर्धेपूर्वी स्पष्टीकरण देण्यात आले आहे.”
कंपनी म्हणाली, "हे (अॅप) लवकरच परत येईल (प्ले स्टोअरवर). आपले सर्व पैसे पूर्णपणे सुरक्षित आहेत आणि आपण नेहमीप्रमाणे आपला पेटीएम अॅप वापरू शकता. ”पेटीएम एक लोकप्रिय डिजीटल ट्रांझॅक्शन एप आहे.
गूगलने शुक्रवारी एका ब्लॉग पोस्टमध्ये म्हटले आहे की ते स्पोर्ट्स बॅटिंगचा प्रचार करणार्‍या अ‍ॅप्सना परवानगी देत नाही आणि असे अॅप्स गूगल प्ले स्टोअरमधून काढले जातील. भारतामध्ये आयपीएलसारख्या मोठ्या खेळांच्या कार्यक्रमापूर्वी असे अॅप्स मोठ्या संख्येने लाँच केले जातात. इंडियन प्रीमियर लीगचा (आयपीएल) ताजा हंगाम युएईमध्ये 19 सप्टेंबरपासून सुरू होणार आहे.
“आम्ही ऑनलाईन कॅसिनोला परवानगी देतनाही किंवा क्रीडा सट्टेबाजीला सुलभ करू शकणार्‍या कोणत्याही अनियंत्रित जुगार अॅपला मान्यता देत नाही,” असे गूगलने एका ब्लॉग पोस्टामध्ये म्हटले आहे. यात ते अॅप्स समाविष्ट आहेत जे ग्राहकांना बाह्य वेबसाइटला भेट देण्यासाठी प्रोत्साहित करतात जे पैसे घेऊन खेळात पैसे किंवा रोख बक्षिसे मिळविण्याची संधी देतात. हे आमच्या धोरणांचे उल्लंघन आहे.''
ब्लॉग पोस्टमध्ये असे म्हटले आहे की ही धोरणे संभाव्य हानीपासून वापरकर्त्यांना संरक्षण देण्यासाठी आहेत. Google ने असेही म्हटले आहे की जेव्हा एखादा अॅप या धोरणांचे उल्लंघन करतो तेव्हा त्याच्या डेवलपरला सूचित केले जाते आणि डेवलपर अॅपला नियमांच्या अनुरूप बनवत नाही तोपर्यंत Google Play Store वरून काढले जाते जाते.