IND vs AUS T20:टीम इंडियाने चौथ्या T20 मध्ये खास विक्रम करत पाकिस्तानला मागे टाकले

T20 आंतरराष्ट्रीय फॉर्मेटमध्ये भारत सर्वाधिक विजय मिळवणारा संघ बनला आहे. रायपूरमध्ये ऑस्ट्रेलिया विरुद्धच्या चौथ्या टी-20 सामन्यात भारतीय क्रिकेट संघाने ही कामगिरी केली. भारताने चौथा सामना 20 धावांनी जिंकला आणि 175 धावांच्या लक्ष्याचा पाठलाग करताना ऑस्ट्रेलियन संघाला सात गड्यांच्या मोबदल्यात 154 धावांवर रोखले.

भारताने पाच सामन्यांच्या मालिकेत केवळ 3-1 अशी आघाडी घेतली नाही तर या फॉरमॅटमधील 136 वा विजयही नोंदवला. 2006 मध्ये फॉर्मेटमध्ये पदार्पण केल्यापासून भारताने 213 T20 आंतरराष्ट्रीय सामने खेळले आहेत, त्यापैकी 136 सामने जिंकले आहेत, 67 गमावले आहेत आणि एक सामना बरोबरीत आहे. तीन सामन्यांचा निकाल लागला नाही. या फॉरमॅटमध्ये भारताची विजयाची टक्केवारी 67.63 आहे.

या विजयासह भारताने 226 सामन्यांमध्ये 135 विजय मिळवणाऱ्या पाकिस्तानला मागे टाकले आहे. T20 आंतरराष्ट्रीय क्रिकेटमध्ये न्यूझीलंड (200 सामन्यांत 102 विजय), ऑस्ट्रेलिया (181 सामन्यांत 95 विजय) आणि दक्षिण आफ्रिका (171 सामन्यांत 95 विजय) हे इतर अव्वल संघ आहेत.

भारताने चौथ्या T20 मध्ये ऑस्ट्रेलियाचा 20 धावांनी पराभव केला आणि पाच सामन्यांच्या T20 मालिकेत 3-1 अशी अभेद्य आघाडी घेतली आहे. रायपूर येथील शहीद वीर नारायण सिंग आंतरराष्ट्रीय स्टेडियमवर ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना भारताने 20 षटकांत 9 गडी गमावून 174 धावा केल्या. प्रत्युत्तरात ऑस्ट्रेलियन संघ सात विकेट्स गमावून केवळ 154 धावा करू शकला आणि सामन्यासह मालिकाही गमावली. मालिकेतील पाचवा आणि शेवटचा सामना 3 डिसेंबरला बंगळुरूच्या एम चिन्नास्वामी स्टेडियमवर खेळवला जाईल. 

Edited by - Priya Dixit