Breakfast For Sugar Patient सकाळी नाश्त्यात हे 5 पदार्थ खा, दिवसभर साखरेची पातळी राहील नियंत्रणात

Breakfast For Sugar Patient न्याहारी हे दिवसातील सर्वात महत्वाचे जेवण आहे कारण ते तुम्हाला संपूर्ण दिवस ऊर्जा देते. आपल्यासाठी न्याहारी घेणे खूप महत्वाचे आहे जे केवळ चवदारच नाही तर शरीरासाठी इंधन म्हणून देखील काम करतं आणि पौष्टिक घटकांनी समृद्ध असतं. पण मधुमेह असलेल्या लोकांना त्यांच्या आवडीनुसार सर्व काही खाऊ शकत नाही; त्यांनी जास्त सावधगिरी बाळगणे आवश्यक आहे आणि कमी ग्लायसेमिक इंडेक्स असलेले पदार्थ निवडणे आवश्यक आहे, जे त्यांच्या रक्तातील साखरेची पातळी प्रभावित करत नाहीत. तर शुगरच्या रुग्णांसाठी नाश्त्याचे पर्याय काय आहेत ते जाणून घेऊया.

शुगर (डायबिटीज) पेशेंटसाठी ब्रेकफास्ट -

सर्वात पौष्टिक नाश्त्यासाठी मधुमेहाच्या रुग्णांनी प्रत्येक अन्न गटातून संपूर्ण आणि प्रोसेस्ड न केलेले पदार्थ निवडण्याचा प्रयत्न केला पाहिजे. तुमच्या नाश्त्यामध्ये धान्य, भाज्या, प्रथिने आणि दुग्धजन्य पदार्थांचा समावेश करा. येथे आम्ही मधुमेहाच्या रुग्णांसाठी काही आरोग्यदायी नाश्त्याबद्दल सांगत आहोत.

ओट्स - कार्बोहायड्रेट्सचा स्रोत असलेल्या ओट्समध्येही भरपूर फायबर असते आणि त्यामुळे तुम्हाला दीर्घकाळ भूक लागत नाही. ओट्स रक्तातील साखरेचे शोषण मंद आणि स्थिर करून रक्तातील साखरेचे प्रमाण नियंत्रित करण्यास मदत करते.

अंडी- शुगर लेवल मॅनेज करण्यासाठी नाशत्यात अंडी सामील करावे. अंडी कॅलरीत कमी आणि प्रोटीन युक्त असतात.

धिरडे- शाकाहारी लोक नाश्त्यात बेसनाचा चीला खाऊ शकतात. बेसनापासून बनवलेल्या धिरड्यात फायबर आणि मॅग्नेशियम भरपूर असते, ते पौष्टिक आणि तयार करण्यास सोपे असते.

चिया सीड्स - चिया बिया रक्तातील साखरेची पातळी नियंत्रित करण्यास मदत करतात. डायबिटीजच्या रूग्णांसाठी ते सेवन करण्याचा सर्वोत्तम मार्ग म्हणजे ते पाण्यात भिजवून खाणे. चिया बियांमध्ये फायबर मुबलक प्रमाणात असते जे मधुमेह नियंत्रित करण्यासाठी फायदेशीर आहे.

ड्राय फ्रूट्स - सुका मेवा किंवा नट देखील मधुमेहाच्या रूग्णांमध्ये रक्तातील साखर कमी करण्यास मदत करू शकतात, ते तुम्हाला ऊर्जा, प्रथिने सोबत भरपूर निरोगी चरबी देखील देतात. यामध्ये असलेले अँटिऑक्सिडंट्स शरीराची रोगप्रतिकारक शक्ती देखील वाढवतात.