Moong daal Kheer Recipe:बनवा मूग डाळ खीर,साहित्य आणि कृती जाणून घ्या

मूग डाळ हलवा अनेकदा खाल्ला असेल. यासोबतच मूग डाळीपासून बनवलेली मिठाईही अनेकांना आवडते. आता मूग डाळीची खीर बनवून पहा मूग डाळीमध्ये प्रथिने भरपूर प्रमाणात असतात. त्यामुळे यापासून बनवलेली खीर स्वादिष्ट तसेच आरोग्यपूर्ण असेल. मूग डाळ खीर ही सामान्यतः दक्षिण भारतातील डिश आहे.चला तर मग साहित्य आणि कृती जाणून घेऊ या.

साहित्य

अर्धी वाटी तांदूळ, एक टीस्पून वेलची पूड, दोन चमचे तूप, पाणी, बेदाणे, पाव वाटी मूग डाळ, दोन वाट्या दूध, अर्धी वाटी गूळ, केशर, काजू.

कृति -

मूग डाळ खीर बनवण्यासाठी सर्वप्रथम कढईत तूप गरम करा. तूप गरम झाल्यावर त्यात काजू आणि बदाम टाकून परतून घ्या. परतून झाल्यावर गॅस बंद करून मनुका घाला. आता हे सर्व ड्रायफ्रुट्स एका प्लेटमध्ये काढून ठेवा. परत एकदा कढईत मूग डाळ गोल्डन ब्राऊन होईपर्यंत परतून घ्या. मूग डाळ सोनेरी झाल्यावर बाहेर काढून तांदूळ परतून घ्या. 

डाळआणि तांदूळ व्यवस्थित परतल्यावर ताटात काढा. आता कढईत तूप टाकून गरम करा. तूप गरम झाल्यावर त्यात डाळ आणि तांदूळ घालून गूळ घाला. गूळ चांगला वितळला की त्यात वेलची पूड घाला. केशरच्या कांड्या घाला. हे मिश्रण चांगले घट्ट होऊ द्या. नंतर त्यात काजू आणि बदाम टाका. शेवटी थंड दूध घाला. स्वादिष्ट आणि आरोग्यदायी मूग डाळ खीर तयार, गरम किंवा थंड सर्व्ह करा. 

Edited By - Priya Dixit