मुंबई लोकल कधी सुरू होणार? हा प्रश्न वारंवार विचारला जात असताना या प्रश्नावर खुद्द मुख्यमंत्री उद्धव ठाकरे यांनी मोठं विधान केलं आहे. सर्वसामान्यांसाठी लवकरच लोकल ट्रेन सुरू करण्याचे संकेत मुख्यमंत्री उद्धव ठाकरे यांनी दिले आहेत.
लोकल सुरू करण्याबाबतही विचार सुरू आहे. जबाबदारीचं भान ठेवूनच लोकल सुरू करण्याचा निर्णय घेतला जाईल, असं उद्धव ठाकरे यांनी स्पष्ट केलं आहे. मुख्यमंत्री ठाकरे यांच्या हस्ते आज मुंबई महापालिकेच्या जी पश्चिम कार्यालयाचं उद्घाटन झालं. त्यावेळी त्यांनी हे विधान केलं.
लोकल वर विचार सुरू आहे. राज्यातल्या इतर शहरात शिथिलता देणार आहोत. पण जबाबदारी बाळगून देणार आहोत. कृपया संयम सोडू नका, कोणी दुष्मन वा कोणी जवळचा नाही, सर्व नागरिकांच्या जीवांची काळजी आहे. त्यामुळे या गोष्टी कराव्या लागतात, असं मुख्यमंत्री म्हणाले.