Woman's Body in Suitcase सुटकेसमध्ये महिलेचा मृतदेह, मुंबई मेट्रोच्या बांधकाम साईटजवळ या घटनेमुळे खळबळ

Woman's body in suitcase मुंबईत एक खळबळजनक घटना समोर आली आहे. मुंबई मेट्रोच्या बांधकाम साईटजवळ एका सुटकेसमध्ये महिलेचा मृतदेह आढळल्याने येथे खळबळ उडाली आहे. मुंबईतील मेट्रो बांधकाम साइटजवळ सापडलेल्या सुटकेसमधून एका महिलेचा मृतदेह सापडला आहे, असे पोलिसांनी सांगितले. 

शांती नगर येथील सीएसटी रोडवरील एका बॅरिकेडजवळ संशयास्पद सुटकेस असल्याची माहिती पोलिसांना मिळाली होती, त्यानंतर ही सुटकेस जप्त करण्यात आली.

न्यूज एजन्सी एएनआयने एका पोलीस अधिकाऱ्याच्या हवाल्याने म्हटले आहे की, "पोलिसांनी एका सोडलेल्या सुटकेसबद्दल मिळालेल्या माहितीच्या आधारे सुटकेस जप्त केली. मेट्रोच्या ठिकाणी ती जप्त करण्यात आली." अधिकाऱ्याने पुढे सांगितले की, पोलीस घटनास्थळी पोहोचले आणि एका सूटकेसमधून एका महिलेचा मृतदेह बाहेर काढला. मृतदेह शवविच्छेदनासाठी नागरी रुग्णालयात पाठवण्यात आला आहे.

फॉरेन्सिक तपासणीनंतर मृतदेहाची ओळख पटणार आहे. मात्र मृत महिलेची ओळख अद्याप समोर आलेली नाही. प्राथमिक अहवालानुसार महिलेचे वय 25 ते 35 वर्षांच्या दरम्यान असू शकते, मात्र फॉरेन्सिक तपासणीनंतरच तिची नेमकी ओळख स्पष्ट होईल.

पोलिस अधिकाऱ्याने सांगितले की, "महिलेची अद्याप ओळख पटलेली नाही, परंतु तिचा मृतदेह पाहता तिचे वय 25-35 वर्षांच्या दरम्यान असावे असा अंदाज व्यक्त केला जात आहे. महिलेने टी-शर्ट आणि ट्रॅक पॅंट घातली होती. पुढील तपासासाठी पोलीस जवळपासचे सीसीटीव्ही फुटेज तपासत आहेत. दरम्यान, अज्ञात मारेकऱ्याविरुद्ध गुन्हा दाखल करण्यात आला आहे.