सीबीआयने बेहिशोबी मालमत्ता प्रकरणी कारवाई करताना दिल्ली, चंदीगड, पंचकुला, गुरुग्राम, सोनीपत आणि गाझियाबादसह 19 ठिकाणी छापे टाकले. जलशक्ती मंत्रालयाच्या अंतर्गत सार्वजनिक क्षेत्रातील उपक्रम, वॉटर अँड पॉवर कन्सल्टन्सी सर्व्हिसेस (WAPCOS) चे माजी अध्यक्ष आणि व्यवस्थापकीय संचालक राजिंदर कुमार गुप्ता यांच्या घरातून सीबीआयने 20 कोटींहून अधिक रोख जप्त केले आहेत.
राजिंदर कुमार गुप्ता यांच्यावर नुकतीच त्यांच्या उत्पन्नाच्या स्रोतांपेक्षा जास्त मालमत्ता जमवल्याबद्दल गुन्हा दाखल करण्यात आला होता, असे अधिकाऱ्यांनी मंगळवारी सांगितले. राजिंदर कुमार गुप्ता आणि त्यांच्या कुटुंबियांविरोधात गुन्हा दाखल केल्यानंतर सीबीआयच्या पथकांनी त्यांच्या परिसराची झडती घेतली. ज्यामध्ये मालमत्ता आणि इतर मौल्यवान वस्तूंशी संबंधित कागदपत्रांव्यतिरिक्त 20 कोटी रुपये रोख जप्त करण्यात आले.
WAPCOS ही जलशक्ती मंत्रालयाच्या प्रशासकीय नियंत्रणाखालील सरकारची संपूर्ण मालकीची केंद्रीय सार्वजनिक क्षेत्रातील उपक्रम आहे. हे पूर्वी 'वॉटर अँड पॉवर कन्सल्टन्सी सर्व्हिसेस (इंडिया) लिमिटेड' म्हणून ओळखले जात असे