राजस्थानमध्ये एक संतापजनक घटना समोर आली आहे. हनुमानगड मार्केटच्या मध्यभागी एका चालकाने महिलेवर कार चढवण्याचा प्रयत्न केला. महिला कारसमोर येताच ड्रायव्हरने तिला अनेक मीटरपर्यंत ओढून नेले.
ही संपूर्ण घटना सीसीटीव्हीमध्येही कैद झाली आहे. ज्यामध्ये अनेक लोक त्या महिलेला वाचवताना दिसत होते.
कारच्या बोनेटवर लटकलेली महिला
व्हिडीओमध्ये दिसत आहे की, महिला समोरून येते आणि कार चालकाला थांबवण्याचा प्रयत्न करते, मात्र ड्रायव्हर न थांबता महिलेला कारचा बोनटवर लटकवतो आणि कार काही मीटर दूर घेऊन जातो.
पोलीस अधिकार्‍यांनी सांगितले की त्यांना मीडिया रिपोर्ट्सद्वारे या घटनेची माहिती मिळाली. ते म्हणाले की हनुमानगडमध्ये चालत्या कारच्या बोनेटवर एक महिला असल्याची माहिती मिळताच आम्ही सीसीटीव्ही व्हिज्युअलद्वारे याची पुष्टी केली.
ते म्हणाले की कार चालक आणि महिलेबाबत अद्याप कोणतीही माहिती मिळालेली नाही. अज्ञात व्यक्तीविरुद्ध गुन्हा दाखल करण्यात येत आहे, पुढील तपास सुरू आहे.