पंजाबचे नियोजित मुख्यमंत्री भगवंत मान यांनी पंजाबच्या पोलीस महासंचालकांची भेट घेतली आणि काही अवधीतच राज्यातील 122 जणांची सुरक्षा घटवल्याचा निर्णय घेण्यात आला.
या 122 जणांमध्ये अनेक राजकीय नेते आहेत. विशेषत: काँग्रेसच्या माजी मंत्री आणि आमदारांचा यात समावेश आहे.
पंजाबमधील सर्व वरिष्ठ पोलीस अधिकाऱ्यांना याबाबतचं आदेशपत्र पाठवून सुरक्षा घटवण्यात आलेल्या नेत्यांची यादी सोपवण्यात आलीय.
या यादीत मनप्रीत सिंग बादल, राज कुमार वर्का, भारत भूषण अशु, रणदीप सिंग नाभा यांसह विधानसभेचे माजी उपाध्यक्ष अजैब सिंग भट्टी, विधानसभेचे माजी अध्यक्ष राणा के. पी. सिंग, रझिया सुल्ताना, परगत सिंग, अमरिंदर सिंग राजा वारिंग यांचाही समावेश आहे.